कई बेर अइसन होला कि जब हमनी के सुतला के बाद जागेनी जा तs आँख के नीचे सूजन देखेनी जा जवना के आई पफीनेस भी कहल जाला। इs एगो आम समस्या हs, जवन कि उमर बढ़ला के संगे होखेला, बाकिर कबो-कबो इs नींद के कमी, लंबा समय ले रोले, किडनी फेल होखे के चलते होखेला अवुरी एकरा अलावे संक्रमण अवुरी मांसपेशी के कमजोरी भी होखेला। हालांकि, एकरा बारे में चिंता करे के जरूरत नईखे, काहेंकी आंख खातीर कुछ योग बा, जवना के कईला से आप आंख के फूलला से आसानी से छुटकारा पा सकतानी। तs आईं हमनी के एह योगासन के बारे में जानल जाव।
आंख के पफीनेस कम करे वाला योगासन
सेतुबंधासन
एह आसन के करे खातिर सबसे पहिले आराम से पीठ के बल लेट जाईं, अवुरी हथेली जमीन के नजदीक राखी। अब दुनो जांघ के एक संगे जोड़ के घुटना के मोड़ के कमर समेत पूरा शरीर के ऊपर के ओर उठाईं अवुरी गर्दन के सीधा राखी। माथा स्थिर राखे के बा ध्यान राखीं. ई आसन कुछ सेकेंड भा एक दू मिनट खातिर करीं. एह प्रक्रिया के दोहराईं।
इहो पढ़ीं: भक्तिमय सोमार: ‘श्रद्धा के सागर’ भक्तन के कुल कष्ट दूर करेली गोरखपुर के ‘मां करवल देवी’
बालासन
बालासन के चाइल्ड पोज कहल जाला। एह आसन के नियमित योग अभ्यास से गोड़ में दर्द के समस्या के कम कईल जा सकता। चाइल्ड पोज करे खातिर वज्रासन के स्थिति में जमीन पs बईठे के चाहीं। अब साँस लेत घरी दुनु हाथ सीधे माथा से ऊपर उठाईं. एकरा बाद साँस छोड़ के आगे झुक जाईं। हथेली आ सिर के जमीन पs रख के लंबा साँस ले के साँस छोड़ दीं।अब दुनो हाथ के अँगुरी के एक संगे जोड़ के धीरे से सिर के दुनो हथेली के बीच में राखी। कुछ देर एही स्थिति में रहीं आ ओकरा बाद फेर से पुरान स्थिति में आ जाईं.
पादहस्तासन
एह आसन के करे खातिर सबसे पहिले आराम से खड़ा होखे के चाहीं, आ अपना दुनु गोड़ के बीच दू इंच के दूरी बनाईं. अब साँस लेत घरी अपना शरीर के दुनु हाथ के ऊपर के ओर ले जाईं. अब हाथ के आगे बढ़ावत धीरे-धीरे कमर के मोड़ के हाथ नीचे के ओर ले जाईं आ जमीन के छूईं। हो सके तs नाक से घुटना के छूइ।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
मत्स्यासन
मत्स्यासन करे खातिर पीठ पs लेट के दुनो हाथ कमर से नीचे राखीं। अब छाती के संगे माथा उठाईं अवुरी ओकरा बाद माथा के ऊपरी हिस्सा के जमीन पs दबाई.अवुरी पीठ के निचला हिस्सा के दबाईं। 5-7 बेर साँस रोक के छाती से गहिरा साँस लीं आ ओकरा बाद इहे प्रक्रिया दोहराईं.
अस्वीकरण: लेख में बतावल गइल सलाह आ सुझाव खाली सामान्य जानकारी खातिर बा आ एकरा के प्रोफेशनल मेडिकल सलाह के रूप में ना लिहल जाय। अगर रउरा कवनो सवाल भा चिंता बा तs हमेशा अपना डॉक्टर से सलाह लीं.
इहो पढ़ीं: सबेरे-सबेरे: वज्रासन स्वास्थ्य खातिर होला बहुत जरूरी, जानीं एकरा के करे के सही तरीका
