सबेरे-सबेरे: हाई ब्लड प्रेशर में कारगर होला, इs तीन गो योगासन

हाई ब्लड प्रेशर आम बात हो गईल बा। खराब जीवनशैली अवुरी बढ़त तनाव के चलते लोग के बीपी हाई होखे लागल बा। आजकल हमनी के रोज के दिनचर्या के चलते बहुत खतरनाक बेमारी के चुपके से शरीर में घुसे लागल बा। जीवनशैली से जुड़ल बेमारी में हाई ब्लड प्रेशर के मरीज तेजी से बढ़ रहल बाड़े। जवना के कारण सिर्फ उमर ना होखेला, बालुक किडनी के बेमारी, व्यायाम के कमी, आनुवंशिक कारण, मोटापा अवुरी बहुत समस्या के चलते भी बीपी जादा होखेला। कबो खाली बुढ़ापा के चलते पैदा होखेवाला बीपी के समस्या अब युवा लोग के भी परेशान करे लागल बा। एकरा से बचे खातिर जरूरी बा कि आप योग करीं अवुरी अपना जीवनशैली में कुछ बदलाव करीं। जानीं हाई ब्लड प्रेशर कम करे खातिर कवन कवन योग आसन करे के चाहीं?

हाई ब्लड प्रेशर के कम करे खातीर योग

इहो पढ़ीं: सबेरे-सबेरे: करीं इs योगासन, लिवर के कमजोरी के करी दूर

वीरासन

ब्लड प्रेशर के मरीज के वीरासन जरूर करे के चाहीं। साँस लेवे के इs योग व्यायाम उच्च बीपी वाला लोग खातिर निमन मानल जाला। रोज विरासन कईला से ब्लड प्रेशर के नियंत्रित कईल जा सकता, नर्वस सिस्टम हेल्दी हो सकता अवुरी तनाव कम हो सकता।

विरासन करे के तरीका

*घुटना टेक के नीचे आ जाइ.

*घुटना पs हाथ टिकाईं.

*घुटना के एक संगे ले आवे के कोशिश करीं.

*गोड़ के चोटी के जमीन के ओर मजबूती से दबाईं.

*एकरा दौरान पीठ सीधा होखे के चाही.

*साँस लेबे पर ध्यान दीं.

इहो पढ़ीं: सबेरे-सबेरे: बइठले – बइठले करीं ई एक्सरसाइज Memory Sharp करे खातीर

शवासन

रोज शवासन कइला से बढ़ल ब्लड प्रेशर कम हो सकेला। एहसे शरीर में आराम मिलेला अवुरी ब्लड प्रेशर भी सामान्य हो जाला।

शवासन करे के तरीका

*बिना तकिया के पीठ के बल लेट जाई.

*आँख बंद करीं.

*गोड़ के आराम से फैला के घुटना अवुरी पैर के उंगली के पूरा तरीका से आराम दिही। 

*हाथ के देह के साथ रखे के चाहीं, बाकिर देह से ना छूवे.

*धीरे-धीरे शरीर के हर अंग पs ध्यान केन्द्रित करीं.

*धीरे-धीरे अवुरी गहिरा सांस लीं अवुरी हर सांस के संगे आराम करी.

इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन

बालासन

शरीर में बढ़े वाला ब्लड प्रेशर के बालासन करके भी नियंत्रण कइल जा सकेला। बीपी के मरीज खातीर बालासना के एगो बढ़िया योग प्रथा मानल जाला। एहसे शरीर में आराम मिलेला अवुरी रीढ़ के हड्डी के राहत मिलेला।

बालासन करे के तरीका

*फर्श पs चटाई पसार के घुटना पs बईठ जाई.

*घुटना के बीच तनी फाँक बना लीं.

*कूल्हि खोलत घरी कमर के आगे मोड़ दीं.

*साँस छोड़त घरी माथा जमीन पs राखीं.

*हाथ जमीन पs आगे बढ़े दीं.

*अपना धड़ के जांघ पs अधिका से अधिका दबाईं.

*एह मुद्रा में 5 मिनट ले गहिरा साँस लीं.

इहो पढ़ीं: अतवारी छौंक: ‘बात कुछ पुरनका दौर के’ साया के जइसन ताउमिर साथे रहलें दिलीप कुमार आ सायरा बानो.. अइसन रहे लव स्टोरी