Gorakhpur News: लड़कियन के देखके गावत रहे अश्लील गाना, पुलिस दबोचलस- पुलिस दिहलस सभके इs सलाह

Minee Upadhyay
Gorakhpur News

रामगढ़ताल इलाका के भरवलिया में पुलिस एगो युवक के गिरफ्तार कs लेलस, जवन कि महिला अवुरी लईकिन के देख के अश्लील टिप्पणी कईलस अवुरी अश्लील गीत गावत रहे। आरोपी के पहचान भरवलिया के अंकित कुमार के रूप में भईल बा। पुलिस अश्लील काम अवुरी गंदा गाना से लोग के परेशान करे के मामला में धारा 296 के तहत चालान जारी कs कोर्ट में पेश कs देलस।

जानकारी के मुताबिक जौनपुर जिला के बक्सा निवासी आनंद कुमार पांडेय के शिकायत के आधार पs बुध के रामगढ़तल थाना में आरोपी के खिलाफ मामला दर्ज करावल गईल बा। पुलिस के बुध के ही जानकारी मिलल कि भरवलिया शिव मंदिर के नजदीक अंकित कुमार नाव के एगो युवक ओहिजा से गुजरत महिला अवुरी लईकिन पs चिल्लात, गंदा गीत गावत अवुरी अश्लीलता फैलावत रहे।

एकरा चलते महिला अवुरी लईकिन के जइले में परेशानी होखता। एकरा बाद पुलिस छापामारी के आरोपी अंकित के पकड़ लेलस। पुलिस के देख के अंकित माफी मांगे लगले। भविष्य में अयीसन गलती ना करे के बात करे लगले। रामगढ़ताल थाना प्रभारी चितवन कुमार बतवले कि आरोपी के खिलाफ मामला दर्ज हो गईल बा।

पूछताछ के दौरान आरोपी आपन गलती कबूल कईलस। अगर इलाका में केहु के अयीसन काम करत देखाई दिही तs पुलिस के सूचना दिही, ओकरा बाद तुरंत कार्रवाई कईल जाई।

इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।