भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा

खबर भोजपुरी एगो सेगमेंट ले के आइल बा जवना में हर सोमार के दिने रउरा सभे अपना देश के कोना-कोना में बसल मंदिरन के जानकारी दी.

गोरखपुर शहर के गोलघर में स्थित माँ काली की महिमा की यश दूर ले फैलल बा। जवन भी भक्त सच्चा मन से माई के पूजा करेला, माई ओकर सब मनोकामना पूरा करेली। मंदिर से जुड़ल लोग के मुताबिक इहाँ स्थापित माँ काली के प्रतिमा धरती के चीर के बाहर निकलल रहे।

गोलघर में स्थित काली मंदिर जिला मुख्यालय से लगभग एक किलोमीटर के दूरी पर बा। सबेरे मंदिर के दरवाजा खुलते ही माई भगवती के दर्शन करे खातिर भक्तन के लमहर कतार लाग जाला। नवरात्रि के बात करीं तs मंदिर के चारो ओर मेला जइसन माहौल बा. इहाँ पूजा सामग्री आ प्रसाद बेचे के दर्जनों दोकान सजावल गइल बा। दूर-दूर से भक्त लोग माई भगवती के दर्शन करे आ पूजा करे आवेला।

इहो पढ़ीं: अतवारी छौंक: ‘बात कुछ पुरनका दौर के’ बेहद खूबसूरत आ शालीन एक्ट्रेस ‘वहीदा रहमान’ के Lucky charms रहले ‘गुरु दत्त’

काली मंदिर के इतिहास

बरिसन पहिले गोलघर के ई पूरा इलाका जंगल रहे, एक जगह ओही जंगल में माई देवी के मुखड़ा धरती के चीर के निकलल रहे। धरती से माई के मुखड़ा निकले के खबर जब पास के लोग में फइलल तs इहाँ भीड़ जुटे लागल आ प्रतिमा के पूजा शुरू हो गईल।

भक्तन के आस्था देख जंगीलाल जायसवाल संवत 2025 में ओहिजा मंदिर के निर्माण करवले. तब से उहाँ रोज पूजा होखे लागल। पहिले एगो मूर्ति रहे जवन जमीन से निकलल रहे। बाद में ओहिजा काली माँ के एगो बड़हन मूर्ति के स्थापना कइल गइल. मूर्ति के ठीक सामने स्वयंभू काली माँ के मुखड़ा आजुओ ओइसने बा जइसन जमीन से निकलल रहे।

इहो पढ़ीं: सबेरे-सबेरे: बइठले – बइठले करीं ई एक्सरसाइज Memory Sharp करे खातीर

माँ काली भक्तन के कुल मनोकामना पूरा करेली

मानल जाला कि गोलघर के काली माता बहुत निपुण बाड़ी। कहल जाला कि काली माँ के मूर्ति के रूप सबेरे, दुपहरिया आ साँझ में बदल जाला।इहे कारण बा कि उनुका से सच्चा मन से माँगल हर इच्छा पूरा हो जाला। मंदिर में हमेशा भीड़ रहेला, बाकिर नवरात्रि के दौरान इहाँ श्रद्धालु के भारी भीड़ जु जुटेला। मंदिर के चारों ओर मेला निहन माहौल होला.

इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन

मंदिर के विशेषता

नवरात्रि के पहिला दिन से हर रात 12 बजे से मंदिर के सफाई शुरू हो जाला। माई के स्नान करा के सजावल जाला। ओकरा बाद मंदिर के फूल से सजावल जाला। फेर सबेरे माँ के आरती होला। भक्तन के आगमन सबेरे से शुरू होके देर रात तक चलेला। मंदिर के निर्माण में कवनो खास वास्तुकला के इस्तेमाल नइखे भइल।

काली माता के मंदिर कइसे जाएब

गोरखपुर के काली मंदिर पहुंचे खातिर रेलवे स्टेशन आ बस स्टैंड से आसानी से ऑटो मिल जाई, रेलवे स्टेशन से मुश्किल से आधा किलोमीटर की दूरी पs स्थित मन्दिर बा.

इहो पढ़ीं : लव जिहाद आ जबरन धर्मांतरण रोकले के तैयारी, महाराष्ट्र सरकार बनवलस उच्च स्तरीय समिति