बिहार के मुजफ्फरपुर में जदयू विधायक के कार्यक्रम में बड़ बवाल मच गईल। पहिले जेडीयू विधायक अशोक चौधरी से झगड़ा भईल, फेर विधायक से झगड़ा करेवाला युवक के अंगरक्षक अवुरी गांव के लोग पिटाई कईले। पिटाई के वीडियो वायरल हो रहल बा। वीडियो में धक्का देवे वाला युवक के लोग पीटत देखाई देतारे। पिटाई के बाद युवक लहूलुहान हो जाला।
मामला सकरा विधानसभा क्षेत्र के बाजितपुर अशोक गांव के बा। इहाँ कुंदन राम विधायक अशोक चौधरी पs हमला बोलले। एकरा बाद विधायक के समर्थक अवुरी अंगरक्षक कुंदन राम के पकड़ के बहुत मारपीट कईले। विधायक के संगे धक्का-मुक्की करेवाला युवक के विधायक के समर्थक लात, मुक्का अवुरी कुर्सी से पीटले। एकरा चलते कुछ समय तक पूरा कार्यक्रम में अराजकता के माहौल बन गईल। झगड़ा के बीच लोग कवनो तरह विधायक के संभाले में कामयाब हो गईले। विधायक के अंगरक्षक दौड़ के युवक के पकड़ के बहुत पीटले।
इहो पढ़ीं: का शिल्पा शिरोडकर के बहिन नम्रता- महेश बाबू से चल रहल बा अनबन? एक्ट्रेस बतवली सच
विधायक मंदिर निर्माण खातीर दान देवे आईल रहले
जेडीयू विधायक अशोक चौधरी मंदिर निर्माण खातीर दान देवे खाती बाजितपुर अशोक गांव पहुंचल रहले अवुरी ओकरा बाद गांव के लोग अभिनंदन समारोह के आयोजन कईले रहले। विधायक कार्यक्रम के संबोधित करत रहले। एही बीच एगो युवक ओहिजा पहुंच के हंगामा मचावे लागल। युवक पहिले विरोध प्रदर्शन शुरू कईले अवुरी ओकरा बाद मंच पs पहुंच के विधायक के संगे मारपीट अवुरी बदसलूकी करे के कोशिश कईले। आरोपी जेडीयू विधायक के धक्का-मुक्की भी कईले। कुछ समय ले अराजकता बनल रहे। मंच पs चढ़ के विधायक के संगे मारपीट करे के कोशिश करत आरोपी युवक के कार्यकर्ता लोग पकड़ के बहुत मारपीट कईले।
