गोरखपुर में शीतलहर अवुरी भयंकर ठंड के चलते अब जिला प्रशासन के ओर से 8 तक के सभ स्कूल के छुट्टी 18 जनवरी तक बढ़ा दिहल गईल बा। डीएम कृष्ण करुणेश बच्चा के सुरक्षा के ध्यान में राखत इs फैसला लेले बाड़े। कक्षा-9 से 12 तक के कक्षा प्रातः 10:00 बजे से दुपहरिया 03:00 बजे के मध्य संचालित कइल जाई।
गोरखपुर में ठंड आ शीतलहर के लहर के देखत ई फैसला लिहल गइल. जिला के कक्षा 8 तक के सभ स्कूल 18 जनवरी ले बंद रहे के आदेश दिहल गईल बा। एह फैसला से हजारों विद्यार्थियन के राहत मिली, काहे कि तापमान में गिरावट आ शीतलहर के चलते सबेरे स्कूल जाए में दिक्कत होइत.
अगर कवनो स्कूल खुलल मिलल तs कार्रवाई होई
डीएम कड़ा निर्देश देले बाड़े कि छुट्टी के दौरान कवनो स्कूल खुलल मिलल तs ओकरा खिलाफ अनुशासनात्मक कार्रवाई कईल जाई। साथही स्कूलन के निर्देश दिहल गइल बा कि लइकन के स्कूल में जबरन ना आवे के कहल जाव 18 जनवरी के बाद स्कूल खोले के फैसला मौसम के स्थिति के ध्यान में राखत लिहल जाई।शीतलहर के चलते स्कूल बंद बा गोरखपुर में शीतलहर पिछला कुछ दिन से लगातार बढ़ रहल बा। ठंडा हवा जिला के घेर लेले बा।
इहो पढ़ीं: IBPS PO आ क्लर्क भर्ती परीक्षा 2025 के कैलेंडर जारी, देखी पूरा डिटेल
