मलेशिया से भारत आवत एगो अंतर्राष्ट्रीय उड़ान में एगो औरत के मउत के चौंकावे वाला मामला सामने आइल बा. ई उड़ान मलेशिया के राजधानी कुआलालंपुर से तमिलनाडु के चेन्नई खातिर आवत रहे। मंगल के जब फ्लाइट चेन्नई पहुंचल तs विमान में एगो 37 साल के महिला मृत मिलल। एह घटना से चालक दल समेत सभे के झटका लागल बा। हमनी के पूरा मामला के बारे में जानीं.
दिल के दौरा पड़ला से मउत
मलेशिया से चेन्नई आवत फ्लाइट में मरेवाली महिला तमिलनाडु के कल्लाकुरिची जिला के रहेवाला रहल पुलिस जानकारी देले बिया। पुलिस के कहनाम बा कि, चेन्नई पहुंचल अंतरराष्ट्रीय विमान में दिल के दौरा पड़ला से महिला के मौत हो गईल। कल्लाकुरिची निवासी महिला के शव अस्पताल भेजल गईल बा।
घरेलू यात्रियन के संख्या 5 लाख पार
दूसर ओर भारत में घरेलू हवाई यात्री के संख्या पहिला बेर पांच लाख के निशान पार कs गईल बा। इतिहास में इs पहिला मौका बा जब भारत में एक दिन में 5 लाख से जादा लोग हवाई यात्रा कईले बाड़े। विमानन मंत्रालय सोमार के साँझ कहलस कि अतवार 17 नवम्बर के एके दिन में 5,05,412 घरेलू यात्री रवाना भइले जवन रिकार्ड बा. एह दिन एयरलाइन कंपनियन के 3,173 उड़ान चलावल गइल. मंत्रालय के उम्मीद बा कि जाड़ा में भी मांग बढ़ी।
Comments are closed.