पहिला बेर उत्तर प्रदेश सरकार महाकुंभ में ‘ऑल टेरेन व्हीकल’ नाम के विशेष वाहन के तैनाती कs रहल बिया। इs विशेष वाहन कुछ सेकंड के भीतर मउका पs पहुंच के आग बुझावे में सक्षम होईहे। मुख्य अग्निशमन अधिकारी (कुंभ) प्रमोद शर्मा बतवले कि इs गाड़ी सभ आधुनिक अग्निशामक उपकरण से लैस बा अवुरी बालू, दलदल अवुरी उथला पानी में भी पूरा गति से चले पाई। आपातकाल में दमकल विभाग के प्रशिक्षित कर्मी एकरा पs सवार होके पूरा मेला क्षेत्र पs नजर राख सकेलें. उs बतवले कि पहिला बेर महाकुंभ मेला में एs गाड़ी के इस्तेमाल कईल जाई।
सीएम योगी खुद ग्रीन सिग्नल देखा सकेलें
अधिकारी बतवले कि 4 ‘ऑल-टेरेन व्हीकल’ प्रयागराज पहुंचल बा अवुरी फायर फाइटर के चलावे अवुरी इस्तेमाल करे के प्रशिक्षण दिहल जाता। मुख्यमंत्री योगी आदित्यनाथ 25 नवंबर के बैटरी से चले वाला एs चारो गाड़ी अवुरी बाकी उपकरण के उद्घाटन क सकतारे। शर्मा कहले कि जर्मनी से 4 ‘ऑल-टेरेन व्हीकल’ प्रयागराज ले आवल गईल बा। उs बतवले कि करीब 2.5 करोड़ रुपया के एs गाड़ी के खुद सीएम योगी झंडा देखावे के होई। अधिकारी बतवले कि गाड़ी में पानी के टंकी, नल अवुरी पंप समेत आग बुझावे के उपकरण लागल बा, जवना से अधिकारी आग लागे के स्थिति में तुरंत कार्रवाई कs सकेले अवुरी आग के फैले से रोके में मदद करीहे।
गति 60 किलोमीटर प्रति घंटा
शर्मा बतवनी कि एह गाड़ियन में एयर कंप्रेसर आ ‘वाम्पक फायर एक्सटिंगुइशर’ के साथे अन्य उपकरण भी बा आ बन्दुक से ९ लिटर पानी के छिड़काव कईल जा सकेला । उs कहले कि एकरा से ज्वलनशील तरल पदार्थ के आग के भी दबावल जा सकता अवुरी एकरा के फेर से आग ना लागे से रोकल जा सकता। अधिकारी बतवले कि आग लागे के अधिकांश बड़ घटना में चालक दल के अक्सर भीड़ वाला इलाका के सामना करे के पड़ेला, जवना के चलते आग बुझावल मुश्किल हो जाला। शर्मा कहले कि कुंभ मेला में जब सभ इलाका में भारी भीड़ मौजूद रही, तब आपातकाल में इs गाड़ी कुछ सेकंड में जगह पs पहुंचे में सक्षम होई। इs गाड़ी बालू, कीचड़ अवुरी खुरदुरा इलाका के संगे उथला पानी में भी 60 किलोमीटर प्रति घंटा के रफ्तार से चले में सक्षम बा।
