नारायणी नदी के उफान से 600 घर पानी से घेरइलें, पलायन कs रहल बा लोग

नेपाली क्षेत्र में भारी बारिश के चलते बाल्मीकि नगर बैराज से लगातार पानी छोड़ल गइले से नारायणी नदी उफान पर बा। जलस्तर में वृद्धि से तटवर्ती क्षेत्र के लोग हलकान बानें। करीब छह मुसहर बस्तियन के छह सौ घर पानी से घिर चुकल बा। संपर्क मार्ग डूब गइले से ग्रामीण सुरक्षित स्थान के ओर पलायन कर रहल बानें। नदी के जलस्तर में वृद्धि से 40 हजार के आबादी प्रभावित बा। धान अउरी गन्ना के फसल डूब गइल बा।