गोरखपुर नगर निकाय चुनाव में आरक्षण सूची जारी: नगर निगम के 80 वार्डन में 46 सीट रिजर्व, 26 सीट खाली महिला खातिर आरक्षित

गोरखपुर नगर निकाय चुनाव के लेके शासन ने सुक के सांझ 80 वार्डन के सीटन पs आरक्षण लिस्ट जारी कs देलस। हालांकि, एकरा पहिले बियफे के सांझ 48 जिलन के आरक्षण सूची जारी भइल रहे, बाकिर ओमे गोरखपुर जिला के नाम सामिल ना रहे। सुक के शासन द्वारा आरक्षण के पत्र जारी होखते प्रत्याशियन के चेहरन पs कहीं खुशी लउकल, तs कहीं प्रत्याशी गम में डूब गइल लो।

पहिले रहे खाली 70 वार्ड

दरअसल, गोरखपुर में अबकी बेर 80 वार्डन आ जिलन के 11 नगर पंचायतन में चुनाव होखे वाला बा। जबकि, एकरा पहिले इहां खाली 70 वार्ड रहे। बीतल 5 साल के दौरान गोरखपुर में 10 नया वार्ड जुड़ गइल बा। अइसन में महानगर के वार्डन में बड़ बदलाव भइल बा।

अबकी बेर 80 सीटन में 46 सीट रिजर्व रही। जेमे 26 सीट खाली महिला लोगन खातिर रिजर्व बा। हालांकि, एमे सामान्य महिला सीट के संगे महिला पिछड़ा वर्ग आ महिला अनुसूचित जाति के सीट सामिल बा। जबकि, 34 पs केहूओ चुनाव लड़ सकी।

पूरा सूची

 

3991010cookie-checkगोरखपुर नगर निकाय चुनाव में आरक्षण सूची जारी: नगर निगम के 80 वार्डन में 46 सीट रिजर्व, 26 सीट खाली महिला खातिर आरक्षितno