नौ बजे ले 4.92% लोग डारल ओट, राहुल गांधी बोलनें- रोजगार खातिर करीं मतदान

By कुमार आशू On Dec 1, 2022

गुजरात में पहिले चरण के 89 विधानसभा सीट पर मतदान जारी बा। 19 जिल में पड़े वाला एह 89 विधानसभा सीटन पर कुल 788 प्रत्याशियन के किस्मत दांव पर बा। एहमें कई बड़ नाम भी शामिल बा। ओंने दूसरे चरण के मतदान खातिर चुनाव प्रचार के आखिरी दौर चल रहल बा। अइसे में आजुओ कई जिला में दिग्गज नेता लोग के चुनावी रैली होखे के बा।

कहां केतना वोटिंग भइल?

जिला मतदान

डांग 7.76%
तापी 7.25%
वलसाड 5.58%
सुरेंद्रनगर 5.41%
नवसारी 5.33%
नर्मदा 5.30%
मोरबी 5.17%
गिर सोमनाथ 5.17%
राजकोट 5.05%
कच्छ 5.06%
जूनागढ़ 5.04%
सूरत 4.44%
जामनगर 4.42%
पोरबंदर 3.92%

जडेजा के बहिन बोलली, जौन बेहतर होई उहे जीती

क्रिकेटर रवींद्र जडेजा के बहिन नैना जडेजा के बयान आइल बा। रवींद्र के पत्नी रिवाबा जडेजा के उम्मीदवारी पर नैना कहली कि अइसन पहिला बेर नइखे होत। जामनगर में कई परिवारन के सदस्य विभिन्न पार्टियन खातिर काम करेने। अपने विचारधारा से संतुष्ट रहीं। आपन 100% देईं अउर जे बेहतर होई ऊ जीती। नैना आगे कहली, हमरे भाई खातिर हमार प्यार पहिले जइसने बा। हमार भाभी अभीन बीजेपी के उम्मीदवार बाड़ी। एगो भाभी के रूप में ऊ निम्मन बाड़ी।

राहुल गांधी के अपील- रोजगार खातिर जरूर ओट डारी।

कांग्रेस नेता राहुल गांधी भी गुजरात चुनाव में ज्यादा से ज्यादा मतदान खातिर लोग से अपील कइले बा। ऊ ट्विट कs के लिखनेंज़ ‘गुजरात के सब भाई बहिन लोग से अपील बा, ओट करें…रोज़गार खातिर, सस्ता गैस सिलेंडर खातिर, किसानन के कर्ज माफी खातिर। गुजरात के प्रगतिशील भविष्य खातिर, भारी संख्या में मतदान करीं अउर लोकतंत्र के एह पर्व के सफल बनाईं।