हर साल 7 फरवरी से वैलेंटाइन वीक शुरू होला आ हर दिन एगो खास दिन मनावल जाला। एकरा बाद 14 फरवरी के वैलेंटाइन डे मनावल जाला अवुरी प्यार में जुटल जोड़ा एs दिन के बेसब्री से इंतजार करेले। काहे कि इs दिन प्यार के इजहार करे खातीर बहुत खास होखेला अवुरी संगही एs दिन आप अपना साथी के संगे भी आपन भावना साझा कs सकतानी। सभे जानत बा कि वैलेंटाइन डे हर साल 14 फरवरी के मनावल जाला। बाकिर का रउवा कबो सोचले बानी कि 14 फरवरी के वैलेंटाइन डे काहे मनावल जाला अवुरी इ दिन कईसे शुरू भईल?
आज वैलेंटाइन डे पूरा दुनिया में मनावल जा रहल बा। ई दिन हर साल 14 फरवरी के मनावल जाला। प्रेम में डूबल लोग खातिर इ दिन बहुत खास बा। तs आईं एह दिन के इतिहास के बारे में जानल जाव-
इहो पढ़ीं:सबेरे-सबेरे: भोरे उठके एह मंत्रन के करीं जाप
वैलेंटाइन डे के इतिहास
वैलेंटाइन डे मनावे के कहानी रोम के एगो संत वैलेंटाइन से जुड़ल बा। दरअसल ई मानल जाला कि रोम के राजा क्लाउडियस प्रेम के विरोध करत रहले, काहे कि उनुकर मानना रहे कि जदी सैनिक प्रेम करे लगले त उनुकर दिमाग काम से विचलित हो जाई अउरी एकरा से रोम के सेना कमजोर हो जाई। इहे कारण रहे कि उ जवानन के बियाह पे रोक लगा देले रहले। दूसर ओर संत वैलेंटाइन प्रेम के उपदेश देत रहले। एतने ना राजा के खिलाफ गईले अउरी बहुत लोग के बियाह करा देले। सेंट वैलेंटाइन के फांसी के सजा सुनावल गइल
संत वैलेंटाइन लोग के बियाह कs के राजा क्लाउडियस के बिस्वास गलत साबित कइलें, जेकरा चलते रोम के राजा इनके फाँसी के सजा सुनवलें। एकरा बाद सेंट वैलेंटाइन के 14 फरवरी के फांसी दिहल गईल अ ओही दिन से ही वैलेंटाइन डे मनावल शुरू हो गईल। खुद एह दिन से ही 14 फरवरी के प्रेम के दिन मनावे के प्रथा रोम समेत पूरा दुनिया में शुरू हो गईल जवन आज भी जारी बा।
वैलेंटाइन डे के सुरुआत रोमन महोत्सव से भइल। दुनिया में पहिला बेर 496 में वैलेंटाइन डे मनावल गईल। एकरा बाद पांचवीं सदी में रोम के पोप गेलासियस 14 फरवरी के वैलेंटाइन डे के रूप में मनावे के घोषणा कईले। आज से 14 फरवरी के हर साल रोम समेत पूरा दुनिया में बहुत धूमधाम के संगे वैलेंटाइन डे के रूप में मनावल जात रहे। एतने ना, रोम के कई शहरन में भी एह दिन सामूहिक बियाह के आयोजन होला।
