खोराबार क्षेत्र के मड़ापार निवासी जयदेव यादव (45) पुत्र स्वामीनाथ यादव के सोमार के बिहाने 10 बजे दुर्घटना में मौत हो गइल। ऊ गांव से अपने पत्नी के संगे ब्रेजा कार से अपने ससुरारी चौरीचौरा क्षेत्र के विश्वम्भरपुर जात रहलें।
सोनबरसा फोरलेन पर रिलायंस पेट्रोल पंप के लग्गे एगो कार के पलटत देख के ऊ गाड़ी से उतर के कार के लग्गे गइलें। एही बीचे अनियंत्रित ट्रेलर उनके कचरत पलट गइल। उनके चौकी प्रभारी सोनबरसा विशाल उपाध्याय अउर पुलिस फ़ोर्स मेडिकल कॉलेज भेजववलें। इलाज के दौराने उनकर मौत हो गइल।
