कैबिनेट मंत्री संजय निषाद के काफिले में अचानक घुसल एक्सयूवी, चालक के सूझबूझ से टरल हादसा

जानकारी के अनुसार डॉक्टर संजय निषाद पूर्व निर्धारित कार्यक्रम के अनुसार जनपद गोरखपुर से सुल्तानपुर खातिर दिन में करीब 2 बजे जात रहलें।। बड़ेवन टोल प्लाजा पार करत एकाएक टोल बैरियर से ठीक पहिले सुरक्षा घेरा के तूड़ के पुलिस एस्कॉर्ट अउर वीआईपी कार के बीच मे एक लखनऊ के नंबर लिखल एक्सयूवी आ गइल। जेकरे चलते मंत्री के कार असंतुलित हो गइल। लेकिन चालक के सूझ बूझ के चलते टोल फाटक के कार पर गिरले से बचावल गइल। मंत्री के स्टाफ तत्काल सीओ हरैया, एसएचओ हरैया ले मामिला से अवगत करवलें।