कैलिफोर्निया में रहे वाली 40 साल के लॉरा बराजस के तिलापिया नाम के मछरी खईला के बाद उनुकर दुनो हाथ-गोड़ गंवा दिहली। महिला इ मछरी स्थानीय बाजार से खरीदले रहली, जवना के खईला के बाद उ बहुत बेमार हो गईली। ऊ मछरी विब्रियो वलनिफीकस नाम के बैक्टीरिया से दूषित रहे। एह बैक्टीरिया से दूषित समुद्री भोजन खइला से संक्रमण हो सकेला। इ बैक्टीरिया महिला के एतना संक्रमित क देलस कि उनुकर अंगुरी, पैर के उंगली अवुरी होंठ करिया हो गईल, जवना के बाद उनुका के मेडिकल इंड्यूस्ड कोमा में डाल दिहल गईल। उनकर किडनी भी फेल होखे लागल रहे। उनकर जान बचावे खातिर उनकर हाथ गोड़ काटे के पड़ल ताकि संक्रमण से बचाव हो सके।
संक्रमण के कारण बतावल जाता कि मछरी ठीक से ना पकावल रहे। एहीसे स्वास्थ्य विशेषज्ञ हमेशा सही तरीका से अवुरी पूरा तरीका से पकावल खाना, खास तौर पs मांस चाहे
सी फूड के खाए के सलाह देवेले। अगर समुद्री भोजन ठीक से ना पकावल जाव तs संक्रमण के संभावना बा, कम पकावल खाना खईला से फूड पॉइजनिंग के संभावना बढ़ जाला। एकरा अलावे अगर खाना के सही तरीका से संग्रहण ना कईल जाए त संक्रमण के संभावना भी बढ़ जाला। समुद्री भोजन बनावत घरी कवन-कवन बात के ध्यान में राखे के चाहीं, ई जान ली-
सी फूड के हमेशा उच्च तापमान पs पकावे के चाहीं। आमतौर पs 75 डिग्री भा ओकरा से अधिका होला.। एकरा से कम तापमान पs बैक्टीरिया ना मरेला आ संक्रमण के खतरा बढ़ जाला।
एकरा के हमेशा ठंडा पानी से बढ़िया से धोईं। एकरा अलावे आपके हाथ अवुरी बर्तन पs बैक्टीरिया आपके खाना के दूषित क सकता। एहसे खाना बनावे से पहिले हाथ अवुरी बर्तन के बढ़िया से धो लीही। सी फूड खरीदत घरी ध्यान राखीं कि ओकर मांस ठीक होखे। एकरा से संक्रमण के खतरा भी बढ़ जाला।
खरीदला के बाद 2-3 दिन के भीतर एकर सेवन करीं। हालांकि, खरीददारी के दिने एकरा के खत्म करे के कोशिश करीं। अगर एकरा के लंबा समय ले रखल जाव त दूषित होखे के संभावना बढ़ जाला।
पकावल आ कच्चा सी फूड अलगा से राखीं। एहसे राउर खाना क्रॉस कंटैमिनेट ना हो पाई।
कच्चा सी फूड के हमेशा 40 डिग्री से नीचे के तापमान पs राखे के चाही।
