वाघ बकरी चाय ग्रुप के चीफ एग्जीक्यूटिव पराग देसाई के मउत, स्ट्रीट डॉग्स के हमला के बाद भइल रहे ब्रेन हेमरेज

 

वाघ बकरी चाय समूह के शीर्ष कार्यकारी, व्यवसायी पराग देसाई के अतवार के उनुका आवास के बहरी आवारा कुकुरन के हमला से मउत हो गईल।उ 49 साल के रहले। बतावल जाता कि 15 अक्टूबर के उनुका पs हमला करेवाला सड़क पs कुकुरन के बचे के कोशिश में देसाई के गंभीर चोट आईल। उनुका आवास के बहरी एगो सुरक्षाकर्मी उनुका परिवार के लोग के ए घटना के जानकारी देलस, जवना के बाद उनुका के शेल्बी अस्पताल पहुंचावल गईल। शेल्बी अस्पताल में एक दिन रहला के बाद देसाई के सर्जिकल प्रक्रिया खातिर ज़ाइडस अस्पताल में स्थानांतरित कs दिहल गईल। हालांकि रविवार के इलाज के दौरान दिमाग में रक्तस्राव के चलते उनुकर मउत हो गईल।

गुजरात कांग्रेस प्रमुख दुख जतवले

गुजरात कांग्रेस प्रमुख अवुरी राज्यसभा सदस्य शक्तिसिंह गोहिल सोशल मीडिया पोस्ट में देसाई के निधन पs शोक जतवले अवुरी कहले कि, “बहुत दुखद खबर। वाघ बकरी चाय के निर्देशक आ मालिक पराग देसाई के निधन हो गइल। गिरला के बाद उनुका ब्रेन हैमरेज हो गईल। उनकर आत्मा के शांति मिले। पूरा भारत में पूरा वाघ बकरी परिवार के प्रति हमार संवेदना।”

पराग देसाई रमेश देसाई के बेटा रहले।

देसाई वाघ बकरी चाय समूह के प्रबंध निदेशक रसेश देसाई के बेटा रहले। उनुका पीछे पत्नी विदिशा अवुरी बेटी परीशा छोड़ गईल बाड़े।मीडिया रिपोर्ट के मुताबिक, 30 साल से जादे के बिजनेस अनुभव के संगे देसाई समूह के अंतर्राष्ट्रीय बिजनेस, सेल्स अवुरी मार्केटिंग के नेतृत्व कईले। ऊ भारतीय उद्योग महासंघ (सीआईआई) जइसन प्रमुख उद्योग मंच सभ में सक्रिय रूप से भाग लिहलें आ उद्योग के एगो सम्मानित आवाज रहलें।