लखनऊ। उत्तर प्रदेश लोक सेवा आयोग (UPPSC) समीक्षा अधिकारी (RO) आ सहायक समीक्षा अधिकारी (ARO) मेंस परीक्षा 2023 के रिजल्ट जारी कs देलस। अब अभ्यर्थी आयोग के आधिकारिक वेबसाइट पs जाके आपन रिजल्ट देख सकेला लोग। एह भरती के तहत कुल 419 पद पs नियुक्ति होखे वाला बा।
केतना छात्र परीक्षा में सामिल भइल रहे लोग?
UPPSC RO-ARO 2023 के मेंस परीक्षा दू आ तीन फरवरी 2026 के आयोजित भइल, जवना में कुल 5930 अभ्यर्थी सामिल भइल लोग। ARO पद खातिर हिंदी टाइपिंग टेस्ट 16 से 19 फरवरी 2026 के बीच करावल गइल रहे।
419 पद खातिर 419 उम्मीदवार सफल
एह भर्ती में कुल 419 पद रहे-
- 338 समीक्षा अधिकारी (RO)
- 81 सहायक समीक्षा अधिकारी (ARO)
आयोग 419 पद खातिर 419 अभ्यर्थी के सफल घोषित कइले बा, मतलब जेतना सीट रहल, ओतने उम्मीदवारन के चयन भइल बा।
ई रिजल्ट फिलहाल अस्थायी (प्रोविजनल) बा। अब चयनित उम्मीदवारन के दस्तावेज (डॉक्यूमेंट) के जांच कइल जाई। अगर सब कुछ सही मिलल, तबे ओह लोगन के नियुक्ति पक्का होई।
जल्दिये आयोग अंक (मार्क्स) आ कटऑफ वेबसाइट पs जारी करी। एह प्रक्रिया में RTI के माध्यम से जानकारी ना दिहल जाई। जब दस्तावेज सत्यापन पूरा हो जाई, तब फाइनल लिस्ट तइयार होके संबंधित विभागन के भेजल जाई आ तबे नौकरी पक्का मानल जाई।
पद के विवरण
समीक्षा अधिकारी (RO)
- यूपी सचिवालय – 322
- यूपीपीएससी – 9
- राजस्व मंडल – 3
सहायक समीक्षा अधिकारी (ARO)
- यूपी सचिवालय – 40
- राजस्व विभाग – 23
- यूपीपीएससी – 13
- सहायक समीक्षा अधिकारी (लेखा) – 1
Read Also: US-Iran Ceasefire : अमेरिका-ईरान बीच आज से लागू हो सकेला सीजफायर, होर्मुज खुलला के संभावना
