यूपी स्कूल समर वेकेशन हॉलिडे न्यूज : उत्तर प्रदेश के स्कूल में समर वेकेशन के घोषणा हो गईल बा, एकरा खातीर शिक्षा विभाग के ओर भी आदेश जारी कईल गईल बा।
यूपी स्कूल समर वेकेशन : उत्तर प्रदेश के सरकारी स्कूलन में समर वेकेशन के एलान हो गइल बा। यूपी बेसिक एजुकेशन काउंसिल के स्कूलन में 20 मई से 15 जून ले छुट्टी घोषित क दिहल गइल बा। सरकारी स्कूल के छुट्टी के लेके यूपी बेसिक एजुकेशन काउंसिल के सचिव प्रयागराज के ओर से आदेश जारी कईल गईल बा। जवना के मुताबिक यूपी शिक्षा विभाग के नियंत्रण में चलावल स्कूल/मान्यता प्राप्त स्कूल में गरमी के छुट्टी 20 मई से 15 जून तक शुरू होखे वाला बा।
बता दीं कि विद्यार्थियन के गरमी आ गरमी के लहर से बचावे खातिर कई गो जिला में स्कूल के टाइमिंग में भी बदलाव कइल गइल। हालांकि अब बढ़त तापमान देख के शिक्षा विभाग गरमी के छुट्टी के घोषणा क देले बा। हालांकि बहुत राज्य में गरमी के देखत स्कूल के छुट्टी के घोषणा पहिलही हो चुकल रहे। एकरा संगे वाराणसी जिला मजिस्ट्रेट गरमी के देखत स्कूल बंद करे के आदेश जारी कईले बाड़े। जिला मजिस्ट्रेट कक्षा 1 से 8 तक के सभ स्कूल बंद करे के आदेश देले बाड़े। जिला मजिस्ट्रेट के आदेश के मुताबिक सीबीएसई, यूपी बोर्ड अवुरी आईसीएस बोर्ड के सभ स्कूल बंद रही।
