उत्तर प्रदेश भारत के सबसे बड़ राज्यन में से एगो ह। इहाँ के कई शहर पर्यटन के मामला में विश्व प्रसिद्ध बा। विदेश से आवे वाला पर्यटक उत्तर प्रदेश में जरूर आवेले। इहाँ दुनिया के सात अजूबा में से एगो ताजमहल बा आ भगवान भोलेनाथ के नगरी काशी भी बा। भारत आ विदेश के पर्यटक मथुरा-वृन्दावन के सड़कन पे रोमांचक यात्रा के आनंद लेत बाड़े। संगम शहर प्रयागराज से लेके ऐतिहासिक शहर झांसी तक भी बा। नवाब के शहर लखनऊ भी भगवान श्री राम के जन्मभूमि अयोध्या ह। एकरे अलावा बौद्ध तीर्थ स्थल कुशीनगर आ बौद्ध स्थल सारनाथ भी बा। एहिजा रउरा के उत्तर प्रदेश के सबसे मशहूर आ लोकप्रिय शहरन के बारे में बतावल जा रहल बा एह शहर सभ में बिस्व परसिद्ध पर्यटन स्थल बाड़ें। उत्तर प्रदेश के मशहूर शहरन के बारे में आ इहाँ स्थित विश्व प्रसिद्ध पर्यटन स्थल के बारे में बतावल जाव।
आगरा
ताज नगरी आगरा खाली उत्तर प्रदेश के ना बलुक भारत के सबसे मशहूर शहरन में से एगो ह। आगरा के जिक्र कइला पे ताजमहल के नाम सबसे पहिले दिमाग में आवेला। मुगल सम्राट शाहजहाँ अपना पत्नी मुमताज के याद में ताजमहल बनवले। सफेद संगमरमर से बनल ताजमहल दुनिया के सात अजूबा में से एगो ह। विदेश से लोग ताज देखे आवेला। ताज के अलावा आगरा में पुरान किला, मुगल गार्डन समेत कई गो ऐतिहासिक भवन बाड़ी सऽ।
वाराणसी
भारत के वाराणसी शहर के दुनिया के सबसे पुरान शहरन में गिनल जाला। वाराणसी गंगा तट के किनारे बसल हिन्दू लोग के धार्मिक आस्था से जुड़ल एगो पवित्र शहर ह। इहाँ स्थित काशी विश्वनाथ मंदिर विश्व प्रसिद्ध बा। बनारस गंगा घाट, मंदिर, घुमावदार लेन खातिर जानल जाला। इहाँ भारी संख्या में भक्त लोग आवेला। दशाश्वमेध घाट, अस्सी घाट, भारत माता मंदिर, बीएचयू परिसर , गंगा आरती काफी मशहूर बा।
मथुरा
भगवान विष्णु के अवतार भगवान श्रीकृष्ण के जन्मस्थान उत्तर प्रदेश के मथुरा शहर में बा। मथुरा शहर भारतीय के साथे-साथ विदेशी लोग के भी लोकप्रिय बा। इहाँ देश भर से लोग कृष्ण जन्म भूमि, द्वारिकाधीश मंदिर, कुसुम सरोवर, गोवर्धन पर्वत आ अउरी कई गो मंदिरन के दर्शन करे आवेले।
अयोध्या
राम जन्मभूमि में मंदिर के निर्माण शुरू होखते अयोध्या में पर्यटकन के संख्या बढ़े लागल। अयोध्या श्री राम के जन्मस्थान ह आ धार्मिक आस्था से जुड़ल एगो पवित्र स्थान ह। इहाँ कई गो मंदिरन के घूमे के मौका मिलेला। दूर-दूर से लोग राम लल्ला मंदिर, हनुमान गढ़ी मंदिर, नागेश्वर नाथ मंदिर, राजकोट, कनक भवन मंदिर, त्रेता के ठाकुर, मोती महल देखे आवेला।
प्रयागराज
संगम नगरी प्रयागराज उत्तर प्रदेश के सबसे बड़ शहरन में से एक बा। इहाँ हर बारह साल पे विश्व प्रसिद्ध कुंभ मेला के आयोजन होला, जवना में विदेश से आवे वाला भक्त लोग भी भाग लेला। इहाँ यमुना, गंगा आ सरस्वती, ई तीनों नदी मिलत बाड़ी स।
