उत्तर प्रदेश के फतेहपुर जिला के पम्भीपुर के लगे एगो मालगाड़ी अवुरी एगो अवुरी खड़ा मालगाड़ी के बीच टक्कर भईल। एs घटना में भारतीय रेलवे के दु अधिकारी के मामूली चोट आईल। एह टक्कर के चलते गार्ड कोच अवुरी इंजन पटरी से उतर गईल। जानकारी के मुताबिक इs घटना मंगल के सबेरे भईल। एs दुर्घटना के चलते अपलाइन पs ट्रेन के आवाजाही भी बाधित हो गईल। अधिकारी बतवले कि प्रभावित खंड के खाली करे अवुरी सामान्य यातायात के बहाल करे खातीर अबे ले बचाव अवुरी बहाली के काम चलता।
सामुदायिक स्वास्थ्य केंद्र (सीएससी) के डॉ सुभाष दुबे कहले कि, “दुगो घाही लोग के ले आवल गईल। उs लोग सबेरे 7 बजे हमनी के सीएससी में आईल रहले अवुरी ओ लोग के कवनो बड़ चोट नईखे, एहसे हमनी के प्राथमिक चिकित्सा कईनी। दुर्घटना में घाही दुनो अधिकारी के पहचान 28 साल के अनुज राज अवुरी 35 साल के शंकर यादव के रूप में भईल बा। दुनु जने के प्राथमिक चिकित्सा दिहल गइल आ ओकरा बाद छुट्टी दे दिहल गइल. “
रेलवे के अधिकारी नुकसान के आकलन करत बाड़े अवुरी सामान्य परिचालन बहाल करे खातीर काम करतारे। एs मामला में अवुरी जानकारी के इंतजार बा।
इहो पढ़ीं: चौरी चौरा घटना : भारत के स्वतंत्रता संग्राम में एगो दुःखद मोड़
