Union Budget 2023: बजट से खुश नइखन अशोक पंडित, पूछले- काहें एंटरटेनमेंट इंडस्ट्री के नजरअंदाज कर रहल बिया ई सरकार? 2023 के लेके फिल्ममेकर अशोक पंडित के रिएक्शन सामने आइल बा । एगो इंटरव्यू में उ कहलें कि ई सरकार एंटरटेनमेंट इंडस्ट्री के अपना बजट में नजर अंदाज करे ले आ एहु बजट मे सरकार के नजरंदाजी साफे लउकत बा ।वित्त मंत्री निर्मला सीतारमण 1 फरवरी 2023 के बजट पेश कइली। बजट में वित्त मंत्री करोड़न रुपयन के योजना के घोषणा कईली । हालांकि, फिल्ममेकर अशोक पंडित बजट के लेके आपन नाराजगी जतवले बाड़े । उ बजट के लेके आपन प्रतिक्रिया जाहिर कईले बाड़े आ बड़ा , खुल के आपन बातो रखले बाड़े । इंडियन फिल्म एंड टेलीविजन डायरेक्टर्स असोसिएशन के अध्यक्ष आ फिल्ममेकर अशोक पंडित कहलें कि एंटरटेनमेंट इंडस्ट्री के एहु बजट में नजरअंदाज कईल गइल।
‘एंटरटेनमेंट इंडस्ट्री बजट में नजरअंदाज’
ANI के दिहल गइल इंटरव्यू में उ कहले , ‘मनोरंजन जगत में सिनेमा, टेलीविजन, ओटीटी औरि शो सबे कुछ शामिल बा । जब बजट के एलान होला , तब उम्मीद रहेला कि इंडस्ट्री के भी कुछ न कुछ जरुरे मिली । हालांकि, ई हर साल होला कि एंटरटेनमेंट इंडस्ट्री के कवनो सरकार महत्व ना देले । हम चर्चा एकर सुरुए से केआरटी आइल बानी , हम एकरा के लेके संपर्क करत रहल बानी , सरकार के ओर से उ गंभीरता हमनी इंडस्ट्री के लेके ना लउके ।
उ एह बातचीत मे आगे कहले कि एंटरटेनमेंट इंडस्ट्री देश के सबसे बड़का टैक्सपेयर्स में से एगो बा । कवनों परेशानी के बेरा ई इंडस्ट्री अहम भूमिका निभावे ले। उ कोरोना महामारी के उदाहरण देत कहले कि महामारी के समय हमनि के इंडस्ट्री घर बईठल लोगन के मनोरंजन करे में महत्वपूर्ण भूमिका निभवलस । सरकार के एकरा के गंभीरता से लेबे के चाहि औरि ना खाली चुनाव के दौरान भा आयोजनन खातिर हमनी के प्रमोटर के रूप में इस्तेमाल करे के चाहि।
