छपरा में अनियंत्रित वाहन के चपेट में आवे से जुवक के मौत, बारात जात घरी भइल हादसा

Anurag Ranjan

छपरा में एक बेर फेर रफ्तार के कहर देखे के मिलल बा। जहां अनियंत्रित वाहन के चपेट में आवे से एगो लईका के मौत हो गइल। जबकि दु लोगन के इस्थिति गंभीर बनल बा। घटना डोरीगंज थाना क्षेत्र के एनएच 19 पs सिंघई गांव के लगे के बा।

मृतक के पहचान डोरीगंज के काजीपुर गांव निवासी मुकेश कुमार (18) पिता पवन महतो के रूप में कइल गइल बा। मृतक अपना दोस्तन के संगे बारात में जात रहे। तबे सिंघई गांव के लगे सड़क दुर्घटना के शिकार हो गइल। फिलहाल पुलिस शव के पोस्टमाॅर्टम के छपरा सदर अस्पताल भेज देले बिया।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।