रेलवे प्रशासन होली पs यात्रियन के होखे वाला अतिरिक्त भीड़ के धेयान में रखत यात्री जनता के सुविधा खातिर ट्रेन संख्या 04062/04061 बरौनी-दिल्ली होली विशेष गाड़ी दिल्ली से 31 मार्च आ बरौनी से एक अप्रिल के चलाई।
एह ट्रेन के संचालन से छपरा आ अगरी-कगरी के यात्रियन के विशेष लाभ मिली। ई जानकारी जनसंपर्क पदाधिकारी अशोक कुमार पत्र जारी करत देले बाड़ें। बरौनी से चले वाली ट्रेन संख्या 04061 दिन के 11:50 में छपरा पहुंची। जबकि दिल्ली से चले वाली ट्रेन संख्या 04062 रात में 2:40 में पहुंची।
ट्रेन संख्या 04062 दिल्ली-बरौनी होली विशेष गाड़ी 31 मार्च, 2024 के दिल्ली से 08:50 बजे प्रस्थान कs के अलीगढ़ से 10:37 बजे, टुण्डला से 11:35 बजे, इटावा से 12:40 बजे, कानपुर सेंट्रल से 15:25 बजे, लखनऊ से 17:50 बजे, गोण्डा से 20:35 बजे, बस्ती से 21:55 बजे, गोरखपुर से 23:10 बजे, दूसरका दिन सीवान से 01:00 बजे, छपरा से 02:40 बजे आ हाजीपुर से 04:15 बजे छूटके बरौनी 06:30 बजे पहुंची।
वापसी यात्रा में 04061 बरौनी-दिल्ली होली विशेष गाड़ी 01 अप्रिल, 2024 के बरौनी से 08:00 बजे प्रस्थान कs के हाजीपुर से 09:35 बजे, छपरा से 11:50 बजे, सीवान से 12:32 बजे, गोरखपुर से 14:50 बजे, बस्ती से 15:52 बजे, गोण्डा से 17:55 बजे, लखनऊ से 20:30 बजे, कानपुर सेंट्रल से 22:25 बजे, दूसरका दिन इटावा से 00:05 बजे, टुण्डला से 01:22 बजे आ अलीगढ़ से 02:42 बजे छूटके दिल्ली 07:35 बजे पहुंची।
एह गाड़ी में शयनयान श्रेणी के 18, साधारण द्वितीय श्रेणी के दुगो, वातानुकूलित तृतीय श्रेणी के एगो आ एसएलआर के दु कोचन सहित कुल 23 कोच लगावल जाई।
