भारी बरखा के चलते मुंबई के लाइफ लाइन मानल जाए वाली स्थानीय ट्रेन के गति धीमा हो गईल बा। भारी बरखा के चलते ट्रेन के आवाजाही प्रभावित भईल बा। कुर्ला स्टेशन पs यात्रियन के भारी भीड़ बा, लोग अपना घर जाए के चिंता में बा। ट्रेन के पटरी नदी में तब्दील हो गईल बा। मुंबई के उपनगरीय ट्रेन नेटवर्क पs भी मूसलाधार बरखा से काफी असर पड़ल बा। कुर्ला, भांडुप आ विक्रोली के रेल पटरी पानी में डूब गइल जवना से केंद्रीय रेलवे (सीआर) लाइन पs एक घंटा के देरी हो गइल. स्टेशनन पs भइल घोषणा से यात्री लोग के जानकारी मिलल बा कि नाहुर, कंजूरमार्ग आ विद्याविहार स्टेशन पs ट्रेन ना रुकल जवना से लोग के समस्या अउरी बढ़ गइल बा.
मुंबई पुलिस जारी कइलस चेतावनी
बीएमसी के आयुक्त भूषण गगरानी कंट्रोल रूम में मौजूद बाड़े अवुरी शहर में बरखा के स्थिति के जायजा ले रहल बाड़े। एही बीच मुंबई पुलिस ट्वीट में कहलस कि, “आईएमडी 26 सितंबर के सबेरे ले मुंबई अवुरी उपनगर में गरज अवुरी बिजली के संगे भारी बरखा के चेतावनी जारी कईले बिया। सभ मुंबईवासी से निहोरा बा कि जब तक जरूरत ना पड़े तब तक घर के भीतरी रहीं।” .”
स्कूल आ कॉलेज बंद
भारत मौसम विभाग काल्हु सबेरे साढ़े आठ बजे ले मुंबई खातिर रेड अलर्ट जारी कइले बा. एकरा के देखत छात्र के सुरक्षा के ध्यान में राखत काल्ह बियफ़ें 26 सितंबर 2024 के मुंबई के सभ स्कूल कॉलेज में छुट्टी घोषित कs दिहल गईल बा। बृहन्मुंबई नगर निगम प्रशासन मुंबईवासी से निहोरा करत बा कि जरुरत पड़ला पर ही घर से बाहर निकलस। बीएमसी ट्विटर पs पोस्ट कईलस कि, ‘बृहन्मुंबई नगर निगम प्रशासन मुंबई के लोग से निहोरा करता कि जब एकदम जरूरी होखे तबे घर से बाहर निकले लो.’
Comments are closed.