गोरखपुर में नगर निगम चुनाव के बीच राजनीति के एगो नया शुरुआत देखाई देलस। राजनीतिक आरोप आ समीकरण के जंग में अचानक एगो तस्वीर लाइमलाइट में आ गईल बा। भाजपा के मेयर पद के उम्मीदवार डॉ. मंगलेश श्रीवास्तव के इमामबाड़ा एस्टेट के गद्दीनशीन अदनान फर्रुख अली शाह ‘मियाँ साहब’ से उनुका घरे मुलाकात के तस्वीर ह। एकरा के डॉ. मंगलेश के राजनीति के एगो नया शुरुआत आ मास्टरस्ट्रोक के रूप में देखल जा रहल बा।
मियां साहब जीत के दुआ कइले
डॉ. मंगलेश से उनुका आवास पे मुलाकात के मौका पे मियां साहब के कहला से इ निष्कर्ष निकालल जाता कि मियां साहब मेयर पद पे डॉ. श्रीवास्तव के समर्थन कईले बाड़े। दरअसल मियां साहब आ डॉ मंगलेश एक दोसरा के बहुत दिन से जानत बाड़े।
दूसर ओर मुलाकात के दौरान मियां साहब साफ-साफ कह के दोसरा दल के उम्मीदवार पे दबाव बनवले बाड़े कि उ दुआ करीहे कि डॉक्टर साहब निमन वोट से चुनाव जीतस।
मुस्लिम मतदाता के जोड़े के शुरुआत
दूसर ओर डॉ मंगलेश मियां साहेब के वस्त्र से ढंक के अभिवादन करत कहले कि इ शहर सभके ह आ उहो सभके ह। उ मियाँ साहेब से भेंट करे आइल बाड़े। एकरा संगे मानल जाता कि डॉ मंगलेश के इ कदम चुनाव में मुस्लिम मतदाता के जोड़े खाती भाजपा के एगो नाया शुरुआत बा।
