Assembly Elections: नगालैंड में बोलले PM मोदी- पूर्वोत्तर के ATM मानत रहे कांग्रेस, हमरा खातिर ई अष्टलक्ष्मी

प्रधानमंत्री नरेंद्र मोदी आज (शुक) के  चुनावी राज्य नगालैंड आ मेघालय के दउरा पs बाड़ें। पीएम सबसे पहिले नगालैेंड के दीमापुर पहुंले, जहां उ एगो रैली के  संबोधित कइले। मोदी  कहलें कि कांग्रेस नगालैंड के सरकार के रिमोट कंट्रोल से चलवलस…दिल्ली से लेके दिमापुर तक इ लोग  परिवारवादे के प्राथमिकता दे रखले रहे लो , बाकिर हमनी  के सरकार पूरा नॉर्थ-ईस्ट खातिर दिल्ली के सरकार के सोंचवे के बदल देले बिया। कांग्रेस  पूर्वोत्तर के एटीएम मनले रहे … सरकार के  पइसा जनता तक ना , बलुक करप्ट पार्टियन के  तिजोरी में पहुंचत रहे । बाकिर हम पूर्वोत्तर के आठ  गो राज्यन के कांग्रेस के लेखा एटीएम ना बलुक  ‘अष्ट लक्ष्मी’ मानेनी जा ।

‘पूर्वोत्तर के बांटेवाली  राजनीति के  भाजपा  बदलस’

पीएम  कहलें कि हमार इ प्रयास बा  कि दिल के दूरियन के भी मिटावल  जाए आ दिल्लीयो दूरी कम होखे। बीतल 9 बरिसन  में हम खुदे दर्जन बेर से बेसी  एहिजा  आईल बानी । नगालैंड के पहिला महिला राज्यसभा सांसद देबे के मवको  एनडीए सरकार के मिलल बा। मोदी  कहलें  कि अपना  लोगन पस अविश्वास कईके देश ना चलेला … देश चलेला अपना  लोगन  के  सम्मान कईके, उनकर समस्यन के समाधान कइके। पहिले जहां नॉर्थ-ईस्ट में बांटे के राजनीति चलत रहे  ओकरा के भाजपा  बदलले बिया  |

‘क्षेत्र आ धरम के देखी  के भेदभाव ना करेनी  हम’

एनडीए सरकार ‘सबका साथ, सबका विकास, सबका विश्वास अउरी  सबका प्रयास’ के मंत्र पs आगे बढ़ रहल बिया । हम गरीबन , आदिवासियन आ महिला लोगन  के विकास पs बहुत जादे फोकस कर रहल  बानी आ एहिसे  हमनी के   लगभग हर योजना में एह  वर्गन  के  प्राथमिकता दिहल जा रहल बा । पिछला  साढ़े तीन बरिसन  में ही नागालैंड के साढ़े तीन लाख से बेसी परिवारन तक पाइप से पानी पहुंचावल गइल बा आ एकर सबसे बेसी लाभ हमनी के आदिवासी महिला लोगन के  भईल बा ।  हमनी के नु क्षेत्र के देखि के भेदभाव करेनी जा अउरी नु धरम के देखी के ।

मेघालयो में  पीएम के बा कार्यक्रम