सांझ के 10 बड़ खबर

बिहार: दरभंगा में जरत चिता से शव के फेंकल गइल… लोगन के पिटाई; श्मशान के जमीन के लेके भइल बवाल, पुलिस पs पथराव; घर में आगजनी, गाडियन के फूंकल गइल। 22 कठ्ठा जमीन के लेके बा विवाद।
बिहार: 4 करोड़ के रथ से सहनी निकलिहें निषाद आरक्षण यात्रा; राजशाही बेडरूम से लेके मीटिंग रूम तक; पार्टी के दावा- मर्सिडीज बेंज से बनल बा लग्जरी रथ। बिहार, झारखंड आ यूपी के यात्रा करिहें मुकेश सहनी।
उत्तर प्रदेश: यमुना एक्सप्रेस-वे पs भीषण हादसा, 4 के मौत; कार सवार घायलन के बचावत रहे लो, तबे बस गाड़ी समेत 3 जुवकन के रउदलस। मृतकन में 3 पुरुष आ एक महिला सामिल।
उत्तर प्रदेश: ज्ञानवापी में 26 जुलाई तक ना होई ASI सर्वे; सुप्रीम कोर्ट कहलस- मस्जिद कमेटी वाराणसी कोर्ट के आदेस के खिलाफ हाईकोर्ट जा सकत बा।
झारखंड: झारखंड में बढ़त बांग्लादेशी घुसपैठ पs चिंतित राज्यपाल; मुख्य सचिव आ मुख्यमंत्री से सीपी राधाकृष्णन कइलें चरचा, आदिवासी महिलन से बियाह कs रहल बाड़ें सs बांग्लादेशी।
मणिपुर पs संसद में हंगामा, आप सांसद संजय सिंह सस्पेंड: खड़गे के आरोप- विपक्ष के आवाज दबावे के कोसिस; शाह बोललें- सरकार चरचा खातिर तइयार। संजय सिंह के सस्पेंशन के प्रस्ताव ध्वनि मत से भइल पास।
सुप्रीम कोर्ट के असम में परिसिमन रोके से इनकार: चुनाव आयोग जारी रख सकत बा प्रोसेस, लोकसभा आ विधानसभा सीटन खातिर जारी रही परिसिमन के प्रक्रिया।
दिल्ली में यमुना फेर खतरा के निशान से ऊपर: पालघर में एगो शख्स नदी में बहल; सौराष्ट्र-कच्छ में भारी बरखा के अलर्ट।
रूस के सड़क पs लोगन से मिललें पुतिन: ब्राइड के संगे फोटो खिंचववलें, तीन हफ्ता पहिले 8 साल के बच्ची के मिले ऑफिस बोलवले रहस। 36 घंटा के बगावत के बाद पुतिन के इमेज पs पड़ल बा असर।
भारत-वेस्टइंडीज दुसरका टेस्ट… जीत से 8 विकेट दूर टीम इंडिया: विंडीज के सोझा 365 रन के लक्ष्य, टीम 76 रन बनवले बिया। अश्विन-जडेजा के जोड़ी के टेस्ट क्रिकेट में 500 विकेट पूरा।