- बिहार: मौसी के बेटी से रहल अफेयर… किडनैप कs के पीट पीट के हत्या: नालंदा में शादीशुदा गर्लफ्रेंड के लेके भइल रहे फरार; 2 साल से चलत रहे प्रेम प्रसंग। 6 लोगन के खिलाफ ममिला दर्ज।
- बिहार: पीएम मोदी -अमित शाह के असली गुरु हवे लालू यादव; तेजप्रताप बोललें- दिल्ली में मांझी के चप्पल खोलवा दिहल गइल; कार्यक्रम में ना पहुंचले लालू-तेजस्वी।
- उत्तर प्रदेश: दूल्हा दुलहिन सहित परिवार के 5 लोगन के हत्या; सबेरे बारात लवटल, रात में भाई सुतत घरी कइलस वारदात; फेर गोली मारके सुसाइड कइलस।
- उत्तर प्रदेश: लखनऊ में दिन में छाइल अन्हार, अयोध्या में तेज बरखा; बहराइच में आकाशीय बिजली गिरला से दु के मौत; बिहान यूपी में एंट्री करी मानसून।
- झारखंड: अब 30 जुलाई के होई पारा शिक्षकन के आकलन परीक्षा; अब 250 ना 150 अंक के होई एक्जाम, 43 हजार शिक्षकन के जमा भइल बा आवेदन।
- सावन में काशी विश्वनाथ धाम में सुगम दर्शन महंगा: ₹300 के जगे ₹500 देवे के होई, सोमार के ₹750 रुपिया चार्ज, मंगला आरती के शुल्क दोगुना।
- 2000 के 72% नोट बैंकन में वापस आइल: एकर कुल वैल्यू ₹2.62 लाख करोड़, 30 सितंबर तक बदलल भा जमा कइल जा सकत बा नोट।
- प्रधानमंत्री मोदी 2 दिन के दौरा पs मिस्त्र पहुंचलें: प्रधानमंत्री मुस्तफा मैडबौली रिसीव कइलें, एयरपार्ट पs गार्ड ऑफ ऑनर दिहल गइल।
- रूस के दु शहरन पs वैगनर के कब्जा: रोस्तोव में बख्तरबंद गाड़ियन से मिलिट्री हेडक्वार्टर घेरलस, मॉस्को के तरफ बढ़ले वैगनर के लड़ाका, पुतिन बोललें -कड़ा जवाब दिआई।
- टेस्ट सीरीज से पहिले एक हफ्ता ट्रेनिंग करी भारतीय टीम: बारबाडोस में लागी कैंप, 1 भा 2 जुलाई तक वेस्टइंडीज पहुंच सकत बा लो खिलाड़ी। वेस्टइंडीज के कैंप एंटीगुआ में लागी।
सांझ के 10 बड़ खबर
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव।
परिचे-
एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।