- बिहार: बिहार बजट में 10 लाख नौकरियन के बात; BPSC में 49 हजार, BTSC में 12 हजार आ BSSC में 29 सौ भर्ती; पुलिस आ शिक्षक के होई नियुक्ति।
- बिहार: बिहार के शिक्षा मंत्री बोललें- रामचरित मानस में कूड़ा कचरा, सफाई जरूरी: जदयू विधायक बतवलें चीप पब्लिसिटी, कहलें- दम बा तs दोसर धरमन पs सवाल उठावस।
- उत्तर प्रदेश: उमेश पाल मर्डर केस के अरोपितन के घर पs चली बुलडोजर, हत्यारण के दबोचे खातिर पुलिस आ STF के दबिश जारी।
- उत्तर प्रदेश: यूपी विधानसभा में बजट पs चरचा: अखिलेश कइलें सरकार पs हमला, बजट के बतवलें दिशाहीन, कानून बेवस्था बदहाल।
- झारखंड: घरे-घरे बनावल जा रहल बा आयुष्मान कार्ड, अब ग्रीन राशन कार्ड धारियन के बनी कार्ड, 5 लाख तक के ट्रीटमेंट फ्री।
- SC से मनीष सिसोदिया के राहत ना: CJI कहलें- जमानत लेवे खातिर हाइकोर्ट जाइल जाव, सीधे सुप्रीम कोर्ट आवल ठीक परंपरा नइखे।
- मनीष सिसोदिया आ सत्येंद्र जैन के इस्तीफा: CM केजरीवाल मंजूर कइलें; जैन 9 महीना से जेल में, सिसोदिया के लगे रहे 18 विभाग।
- महाराष्ट्र विधानसभा में पियाज पs हंगामा: 2 रुपिया किलो में पियाज बेचे के मजबूर किसान, तापमान में बढ़न्ती से पियाज खराब होखे के बा खतरा।
- गुरुग्राम में G-20 सम्मेलन खातिर आइल फुलन के चोरी: 40 लाख के गाड़ी से आइल रहलें सs चोर, चौक पs रखल गमला उठा ले गइले सs।
- न्यूजीलैंड फॉलोऑन के बाद जीते वाला तीसरका टीम: दुसरका पारी में 483 रन बनवलस, इंग्लैंड के 258 रन के टारगेट देलस, 1 रन से हरवलस।
सांझ के 10 बड़ खबर
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव।
परिचे-
एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।