छपरा। प्रयागराज महाकुंभ मेला 2025 में श्रद्धालुअन के सुविधा खातिर रेलवे बड़ पहल कइले बा। छपरा-झूंसी-छपरा रूट पर तीन जोड़ी अनारक्षित विशेष ट्रेनन के संचालन कइल जाई। एह ट्रेनन से पूर्वी उत्तर प्रदेश आ बिहार के श्रद्धालुअन के महाकुंभ में स्नान के सुविधा मिली।
पहिला ट्रेन (05157) छपरा से झूंसी खातिर जनवरी में तीन आ फरवरी में एक दिन चली। ई दुपहरिया 12:30 बजे छपरा से चलके रात 8:40 बजे झूंसी पहुंची। वापसी ट्रेन (05158) जनवरी में छव आ फरवरी में एक दिन सबेरे 6:30 बजे झूंसी से चलके दुपहरिया 2:50 बजे छपरा पहुंची।
तीसरका ट्रेन नव फेरा लगाई
दूसरका ट्रेन (05128) 27 जनवरी के झूंसी से रात 10:35 बजे चलके अगिला दिन सबेरे 7:30 बजे छपरा पहुंची। तीसरका ट्रेन (05129) सबसे जादे नव फेरा लगइहें, जेमे जनवरी में छव आ फरवरी में तीन फेरा सामिल बा। ई सांझ 6:30 बजे छपरा से चलके अगिला दिन रात 2:25 बजे झूंसी पहुंची।
यात्रियन के सुविधा खातिर ई विशेष ट्रेन सुरेमनपुर, सहतवार, बांसडीह रोड, बलिया, फेफना, चितबड़ा गांव, करीमुद्दीनपुर, यूसुफपुर, गाजीपुर सिटी, नंदगंज, औंड़िहार, वाराणसी सिटी, वाराणसी जंक्शन, बनारस, माधो सिंह, ज्ञानपुर रोड आ हंडिया खास स्टेशनन पs रुकी। रेलवे प्रशासन यात्रियन के संभावित भीड़ के देखत ई विशेष बेवस्था कइले बा।
Read Also: Gorakhpur News: गोरखपुर महोत्सव के समापन आज, सीएम योगी पांच लोगन के गोरखपुर रत्न सम्मान से नवजिहें
