छपरा के शहरी क्षेत्र में सनीचर के दु घंटा के पावर कट कइल जाये के बा। रिपेयरिंग आ पावर ट्रिप के समस्या के ठीक करे खातिर मरम्मती के काम कइल जाये के बा। एकरा के लेके शहरी क्षेत्र के एसडीएस फीडर आ धर्मनाथ फीडर में बिजली बाधित रही। राजेंद्र सरोवर पावर सब स्टेशन से संचालित होखे वाला दुनो फीडर में सबेरे 10 बजे से 12 बजे तक पावर कट कइल जाई।
एसे शहर के दक्षिणी हिस्सा में इस्थित किनरवाहि में बिजली गुल रही। कनीय अभियंता बतवलें कि बरखा के लेकर पावर सप्लाई में परेसानी हो रहल बा। एमे पावर ट्रिप के समस्या सामने आ रहल बा। एहिसे पावर कट कs के मरम्मती के काम कइल जरूरी बा। ओहिजा, काम पूरा होखला के बाद फेर से सेवा बहाल कs दिहल जाई।
