चिलचिलात गर्मी से रउवा भी तंग आ गइल होखेम, अइसे में खबर भोजपुरी के स्पेशल सेगमेंट स्वाद यात्रा रउवा ला लियाइल बा गर्मी से राहत देवे वाला आम से बनल आम्रखंड । जानी पूरा रेसीपी ।
सामग्री
- 1 कप ताजा दही
- 1 आम के पल्प (गुदा)
- आम के छोट पीस सजावट खातिर
- 1/3 कप या स्वाद के अनुसार चीनी
- 1/3 टी स्पून जायफल पाउडर
- केसर के कतरन
- 5-6 पिस्ता
- 1/2 चम्मच हरा इलायची पाउडर
आम्रखंड खातिर दही अनिवार्य रूप से फ्रेश आ गाढ़ होखे चाहि तबे अच्छा आम्रखंड बनी । एकरे खातिर दही के छलनी पs डाली आ नीचे कवनो बर्तन लगा दीही, एहसे दही के सारा पानी 1घंटा में निकल जाई। अब एकरा के कवनो मुलायम कपड़ा में डाली आ 1-2 घंटे खातिर नल पs लटका दीही। दोसर तरफ आम के निमन से धोके, साफ कs के छिल के छोट टुकड़ा में काट लिही।
आम,चीनी,पिस्ता, इलायची पाउडर आ जायफल पाउडर के ब्लेंडर में डाली आ ब्लेंड कs प्यूरी बना लिही।
अब तनी सा प्यूरी के गार्निशिंग खातिर अलगा निकाल के राख दीही । बाकी के दही में मिलाई आ निमन से मिक्स कs लिही। केसर के धागा भी मिलाई । अब एकरा के 3-4 घंटे खातिर सेट होखे खातिर फ्रिज में रख दीही।
ठंडा- ठंडा आम्रखंड तैयार बा।
अपना मन अनुसार गार्निश डेकोरेट कs सर्व करी आ गर्मी में ठंडा ठंडा आम्रखंड के आनंद लीही
Comments are closed.