वैलेंटाइन डे के मौका पs बेंगलुरु में एगो पोस्टर सामने आईल रहे, जवन कि लोग के हैरान कs देले बा। एह पोस्टर में लिखल रहे कि, “हायर बॉयफ्रेंड” अवुरी एकरा में क्यूआर कोड भी शामिल रहे। पोस्टर पs एगो ऑफर रहे कि एक दिन खातिर महज ₹ 389 में प्रेमी के किराया पs मिल सकेला। एकरा चलते पुलिस में शिकायत दर्ज करावल गईल बा अवुरी लोग भी नाराज बाड़े। पोस्टर में लिखल रहे कि, “वैलेंटाइन डे पs प्रेमी ना होखे? एक दिन खातीर किराया के प्रेमी ले लीं।”
दिन में 389 रुपिया में प्रेमी
बेंगलुरु के जयनगर अवुरी बनाशंकरी इलाका में कुछ पोस्टर चिपकावल गईल बा, जवना पs लिखल बा कि, ” ₹389 में किराया पs प्रेमी, एके स्कैन करीं।” मतलब कि एक दिन खातिर मात्र ₹389 में प्रेमी किराया पs ले सकता। ई पोस्टर जयनगर के 8वीं प्रखंड आ बनाशंकरी बीडीए परिसर के लगे देखल गइल।
इहो पढ़ीं:शरीर में बढ़ गइल बा यूरिक एसिड के मात्रा, तs खाई इs चटनी जल्दिए नजर आई फर्क
जनता में आक्रोश
एह अजीबोगरीब पोस्टरन पs जनता कड़ा नाराजगी जतवले बिया. लोग ट्विटर पs बेंगलुरु पुलिस के टैग कs के मांग कईले बाड़े कि शहर के संस्कृति के नुकसान पहुंचावे वाला अयीसन पोस्टर लगावे वाला लोग पs कार्रवाई होखे के चाही। लोग कहत बा कि एह तरह के विज्ञापन समाज के गलत संदेश देला आ नवहियन के गलत दिशा में ले जाला. फिलहाल सोशल मीडिया पs इs पोस्टर चर्चा के विषय बन गईल बा अवुरी लोग अयीसन ऑफर के आलोचना करतारे। बहुत लोग एकरा के वैलेंटाइन डे के मजाक कहतारे, तs कुछ लोग एकरा के समाज खातीर खतरनाक ट्रेंड मानतारे। इंटरनेट आ सोशल मीडिया के जमाना में एह तरह के विवादित विज्ञापन आ समाज पs एकर असर पs एक बेर फेरु एह घटना से बहस शुरू हो गइल बा.
इहो पढ़ीं: अतवारी छौंक: ‘बात कुछ पुरनका दौर के ‘ अपने दौर के underrated एक्ट्रेस रहली ‘राखी गुलजार’
