शंकराचार्य स्वामी स्वरूपानंद सरस्वती के निधन हो गइल बा। मध्यप्रदेश के नरसिंहपुर के झोतेश्वर मंदिर में ऊ अंतिम सांस लेले। ऊ 99 साल के रहस आ लमहर समय से बीमार चलत रहस। हाले में 3 सितंबर के ऊ आपन 99वां जन्मदिन मनवले रहस। ऊ द्वारका के शारदा पीठ आ ज्योर्तिमठ बद्रीनाथ के शंकराचार्य रहस।
शंकराचार्य राम मंदिर निर्माण खातिर लमहर कानूनी लड़ाई लड़ले। आजादी के आंदोलनो में भाग लेले। स्वरूपानंद सरस्वती के हिंदुअन के सबसे बड़ धर्मगुरु मानल जात रहे। अंतिम समय में शंकराचार्य के अनुयायी आ शिष्य उनला लगे रहे लो। समीप थे। उनका बृह्मलीन होखला के सूचना के बाद आसपास के क्षेत्रन से भक्तन के भीड़ आश्रम कावर पहुंचे लागल।
