शामली। दिल्ली से मालगाड़ी लेके शामली होत सहारनपुर जा रहल लोको पायलट ड्यूटी के आठ घंटा पूरा होखला पऽ मालगाड़ी के शामली स्टेशन आ धीमानपुरा फाटक के बीच रोक देलस। शामली में कवनो दोसर लोको पायलट ना होखला के कारण 30 मिनट तक ओकरा के समझावल-बुझावल गइल, जवना के बाद उ टपरी खातिर ट्रेन लेके रवाना भइल। एह दौरान 37 मिनट तक रेलवे फाटक बंद रहल, जवना से दूनो ओर करीब डेढ़ किलोमीटर तक भीषण जाम लाग गइल।
स्टेशन अधीक्षक आशीष सैनी बतवलें कि लोको पायलट के टपरी तक मालगाड़ी ले जाए खातिर कहल गइल ।आगे दोसर लोको पायलट मिल जाई। माल गाड़ी रवाना होखला के बाद फाटक खोलऽ गइल।
ओहिजा 37 मिनट तक रेलवे फाटक बंद होखला के कारण गुरुद्वारा रोड आ एमससके रोड पऽ वाहनन के भीषण जाम लाग गइल। रेलवे फाटक से लेके सुभाष चौक तक करीब एक किमी तक वाहनन के कतार लाग गइल।
ओहिजा, दूसरका ओर कुड़ाना मोड़ तक वाहनन के लमहर लाइन लागल रहे। पैदल चले वाला लोगन के रास्ता ना मिलल। कुछ लोग फाटक के नीचे से निकल के पार कइल। कइयन गो वाहन चालक रेल पार बाईपास से वाहन निकलले, जबकि दुपहिया वाहन चालकन के गलियन से होके निकले के पड़ल।
फाटक के लगे मवजूद यातायात पुलिस मशक्कत करत जाम के खुलवावल। सांझ के शहर में एमएसके रोड, वर्मा मार्केट, हनुमान रोड, वीवी इंटर कालेज रोड आदि स्थानन पs वाहनन के भीषण जाम लागल रहे।
Read Also: Tulsi Vivah 2025: कार्तिक महीना में कब हs तुलसी बियाह? जानीं शुभ मुहूर्त आ नियम
