काेरोना के खतरा से डेराइल बाजार, सेंसेक्स 625 अंक टूटल, निफ्टी 18000 से नीचे

हफ्ता के आखिरी कारोबारी दिन घरेलू शेयर बाजार में गिरावट के संगे कारोबार के शुरुआत भइल। कोरोना वायरस के मामिला एक बेर फिर बढ़े के जुड़ल खबरन के बीच सुक्क के बॉम्बे स्टॉक एक्सचेंज के सेंसेक्स बेंचमार्क 625 अंक के बड़ गिरावट के साथ 60200 के लेवल पर खुलल।

उहवें, नेशनल स्टॉक एक्सचेंज के निफ्टी बेंचमार्क भी पिछले दिन के मजबूती गंवावत 18000 के लेवल से नीचे पहुंच गइल बा। निफ्टी 150 अंक के गिरावट के साथ 18 हजार के नीचे 17977 पर खुलल। इहवें, बैंक निफ्टी 457 अंक के गिरावट के साथ 41951 के स्तर पर खुलल। सुक्क के शुरुआती कारोबार में सेंसेक्स के 30 शेयर में महज चार शेयर ही हरिहर निशान पर कारोबार करत दिखाई दिहल।