महाराष्ट्र में यूपी से गइल साधुअन के बेरहमी से पीटल गइल, गाड़ी से उतार के बरसावल गइल लाठी-डंडा

ई घटना सांगली के जाट तहसील के लवंगा गांव के ह, जब उत्तर प्रदेश के रहे वाले चार साधु एगो कार में कर्नाटक के बीजापुर से मंदिर शहर पंढरपुर ओर जात रहलें। ऊ सोमवार के गांव के एगो मंदिर में रुकल रहनें। एगो पुलिस अधिकारी कहलस कि मंगलवार के यात्रा फिर से शुरू करत समय, उ एगो लइका से राह पुछलें। एसे कुछ स्थानीय लोग के सुब्हा भइल कि ऊ लइकन के अपहरण करे वाला आपराधिक गिरोह के हिस्सा हवें। एकरे बाद कुछ ग्रामीण लोग गाड़ी से उतारकर साधुअन के ऊपर लाठी डंडा बरसावे लागल। उहवें पुलिस के एगो टीम मौका पर पहुंचल अउर पूछताछ में पवलस कि साधु वास्तव में उत्तर प्रदेश के एगो ‘अखाड़ा’ के सदस्य रहलें।