गोरखपुर। सिकरीगंज में बियफे के सबेरे-सबेरे सड़क हादसा हो गइल। एह हादसा में तीन लोगन के मौत हो गइल बा। तीनो मृतकन के पहचान नइखे हो सकल। गाड़ी नंबर से ई तीनो लोग बिहार के बतावल जा रहल बा। गोरखपुर के सिकरीगंज से पूर्वांचल एक्सप्रेस-वे पs चढ़े के रास्ता बा। एही रास्ता के लिंक एक्सप्रेस वे पs ई हादसा भइल बा।
सड़क दुर्घटना के सूचना मिलतही सिकरीगंज थाना के पुलिस मवका पs पहुंचल। शव के निकालके पीएम खातिर भेज दिहल गइल बा। मृतकन में एगो महिला आ दो पुरूष बतावल जा रहल बा।
