काल्ह दिन शुक के डी.ए.वी.पी.जी.कॉलेज, गोरखपुर में राष्ट्रीय सेवा योजना, दयानंद इकाई के तत्वावधान में प्राचार्य प्रोफेसर शैल पांडे आ कार्यक्रम अधिकारी श्रीमती प्रतिभा गुप्ता के नेतृत्व में ‘पढ़े महाविद्यालय, बढ़े महाविद्यालय’ कार्यक्रम के अंतर्गत सभ शिक्षकन के साथे सभ स्वयंसेवक आ स्वयं सेविका लोग सबेरे 11:00 बजे से अपराह्न 12:00 बजे ले आपन मनपसंद पुस्तक के साथे एके साथे एक जगह बैठके पाठन कार्य कइल लोग।
एकरी पश्चात अपराह्न 12:15 पs सभ एके साथे ‘दहेज मुक्त भारत एवं नशा मुक्त भारत’ खातीर प्रतिज्ञा लिहले लोग। कार्यक्रम में डॉ संजय कुमार पाण्डेय,डॉ प्रवीन कुमार सिंहा,डाॅ अमृता श्रीवास्तव आ डॉ वेदवती सिंह सहित सभ शिक्षक आ शिक्षिका स्वयंसेवक आ स्वयंसेविका लोग के साथे उपस्थित रहले। कार्यक्रम के पश्चात नेहरू युवा केंद्र आ राष्ट्रीय सेवा योजना के संयुक्त तत्वावधान में माय भारत पोर्टल पs रजिस्ट्रेशन खातीर सभ स्वयंसेवक आ स्वयंसेविका लोग के जानकारी प्रदान कइल गइल। एह अवसर पs श्री राघव तिवारी आ श्रीमती नंदिता,कार्यक्रम सहायक, नेहरू युवा केंद्र,गोरखपुर के निर्देशन में आस्था, विवेक आ विनय सहित कई स्वयंसेवक आ स्वयंसेविका लोग के ऑनलाइन माय भारत पोर्टल पs रजिस्ट्रेशन कइल गइल। एह कार्यक्रम के माध्यम से सभ के माय भारत पोर्टल पs रजिस्ट्रेशन खातीर प्रेरित कइल गइल.
इहो पढ़ीं:चेहरा के लटकत त्वचा के कस देई इs मास्क, कुछे दिन में जवान दिखे लागी त्वचा, जानीं कइसे इस्तेमाल करीं
