बेंगलुरु के चिन्नास्वामी स्टेडियम के बहरी भईल भगदड़ में अबे ले 11 लोग के मउत हो चुकल बा, जबकि 33 लोग के घायल लोग के अलग-अलग अस्पताल में इलाज कईल जाता। राष्ट्रपति द्रौपदी मुर्मू अवुरी प्रधानमंत्री नरेंद्र मोदी एs दुर्घटना पs दुख जतवले बाड़े, जबकि कर्नाटक सरकार भगदड़ के न्यायिक जांच के आदेश देले बिया अवुरी 15 दिन के भीतर रिपोर्ट देवे के कहले बिया।
बुध के बेंगलुरु के चिन्नास्वामी स्टेडियम के गेट नंबर 6 पs भगदड़ मच गईल जब आईपीएल में आरसीबी के जीत के जश्न मनावे खातीर स्टेडियम के बहरी भारी संख्या में आरसीबी के प्रशंसक जुटल रहले। एही बीच एs दुर्घटना के लेके राजनीति भी शुरू हो गईल बा। विपक्ष के आरोप बा कि दुर्घटना के बाद भी सरकार खिलाड़ियन के संगे जश्न मनावत रहल अवुरी डिप्टी सीएम सेल्फी लेवे में व्यस्त रहले।
भगदड़ पs सवालन से सिद्धारमैया काहे परेशान हो गइलन?
साथही कर्नाटक सरकार जिम्मेदारी से परहेज करत क्रिकेट एसोसिएशन के दोषी ठहरवले बिया. सीएम सिद्धारमैया भाजपा के सवाल के जवाब देत कहले कि महाकुंभ के दौरान भी भगदड़ मचल रहे। अयीसन घटना पs राजनीति ना होखे के चाही। दरअसल, जब पत्रकार भगदड़ खातिर विपक्षी नेता कांग्रेस सरकार के जिम्मेदार ठहरावे के सवाल पूछले तs कर्नाटक के सीएम परेशान हो गईले अवुरी खिसिया के कहले कि, “अयीसन घटना बहुत जगह भईल, उहो कुंभ मेला में 50-60 लोग के मउत हो गईल। हम आलोचना ना कईनी। ना तs हम ओ समय कवनो टिप्पणी कईले रहनी अवुरी ना हमार सरकार कवनो टिप्पणी कईले रहनी। पार्टी जवन कहलस ओकरा पs हम कुछूओ नईखी कहल चाहत।”
सीएम बतवले कि ई हादसा काहे भइल?
सीएम घटना के जांच के आदेश देले बाड़े। उ कहले कि लोग स्टेडियम के गेट भी तूड़ देले, जवना के चलते भगदड़ मच गईल। एतना भारी भीड़ के उम्मीद केहू के ना रहे। स्टेडियम में मात्र 35 हजार लोग के बईठल बा, लेकिन करीब 2 से 3 लाख लोग जुट गईल रहले। बेंगलुरु शहर में उपलब्ध पूरा पुलिस बल के तैनाती कईल गईल।
इहो पढ़ीं: सबेरे-सबेरे: अगर रउरा के दिन भर भूख ना लागेला तs इs योग नियमित रूप से करीं
