राजस्थान: कोटा में NEET के तइयारी कs रहल १६ साल के लइकी फांसी लगाके कइलस सुसाइड, जांच में जुटल पुलिस

Minee Upadhyay

 

कोटा : राजस्थान के कोचिंग हब मानल जाए वाला कोटा में नीट के तइयारी करत सोलह साल के लईकी फांसी लगा के आत्महत्या क लेले बिया।लईकी के पहचान ऋचा सिंह के रूप में भईल बा।लाश के शवदाह गृह में राखल गइल बा आ विज्ञान नगर थाना एह मामिला के छानबीन करत बिया।

भीलवाड़ा से आत्महत्या के मामला भी सोझा आईल रहे

एकरा से पहिले राजस्थान के भीलवाड़ा से आत्महत्या के मामला भी सामने आईल रहे। इहाँ न्यायपालिका सेवा के परीक्षा में फेल होखला के बाद एगो लईकी पंखा से फांसी लगा के आत्महत्या क लेलस। लईकी के पहचान 28 साल के आकांक्षा के रूप में भईल बा अवुरी ओकरा कमरा में दु पन्ना के सुसाइड नोट भी मिलल बा। एह सुसाइड नोट में आकांक्षा लिखले रहली कि ऊ कई बेर कोशिश कइली बाकिर असफल हो गइली। हर त्योहार आ शादी-बियाह के याद आवत रहे लेकिन निराशा महसूस होखत रहे। माफ कर द भाई, अब हिम्मत नइखे। आकांक्षा आरजेएस परीक्षा के तइयारी करत रहली आ उनकर रिजल्ट 16 अगस्त के आइल, फेल भइला का बाद ऊ डिप्रेशन में रहली।

 

 

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।