भरतपुर में भइल एगो दुखद हादसा में 11 लोग के मउत हो गइल। एकरा संगे ए दुर्घटना में 12 से जादे लोग घाही हो गईले। घटना के जानकारी मिलला के बाद लखनपुर, नदबई, हलैना अवुरी वैर थाना के पुलिस अधिकारी मौका पs पहुंचले।
घटना के सूचना लखनपुर थाना क्षेत्र के राष्ट्रीय राजमार्ग 21 पs हंतारा के नजदीक सबेरे 5:30 बजे दिहल जाता। दुर्घटना के बाद मौका पs चीख मच गईल। मरेवाला में 6 महिला अवुरी पांच पुरुष शामिल बाड़े। मरेवाला सभे भावनगर (गुजरात) के निवासी बतावल जाता।
#WATCH | Rajasthan | 11 people killed and 12 injured when a trailer vehicle rammed into a bus on Jaipur-Agra Highway near Hantra in Bharatpur District, confirms SP Bharatpur, Mridul Kachawa. The passengers on the bus were going from Bhavnagar in Gujarat to Mathura in Uttar… pic.twitter.com/1nYUkj3J9z
— ANI MP/CG/Rajasthan (@ANI_MP_CG_RJ) September 13, 2023
बस खराबी के चलते सड़क के किनारे खड़ा रहे
पुलिस के मुताबिक बस भावनगर से मथुरा जात रहे। सबेरे भरतपुर-आगरा राजमार्ग पz अचानक बस खराब हो गइल। बस से ड्राइवर अवुरी उनुकर साथी समेत बाकी यात्री भी बस से उतर गईले। ड्राइवर अवुरी ओकर साथी बस के एडजस्ट करत रहले कि ट्रक ओ लोग के टक्कर मार के साइड में खड़ा लोग के कुचल देलस। एह दौरान ओहिजा से गुजरत दोसरा गाड़ियन के चालक सड़क पd बेहोश लोग के पड़ल देख के पुलिस के फोन क के एम्बुलेंस बोलवले। सभे के लाश भरतपुर जिला अस्पताल के शवदाह गृह में राखल गईल बा।
सड़क पs बिखरल लाश, राजमार्ग पs जाम
दुर्घटना के बाद लाश हाईवे पs बिखर गईल। उहाँ मौजूद लोग एक-एक लाश के बीच सड़क से निकाल के एक ओर रखले। एकरा संगे हाईवे पs जाम हो गईल। पुलिस के कहनाम बा कि, अबे ले पता नईखे चलल कि कवना गाड़ी के चलते टक्कर भईल। घाही लोग के हालत गंभीर बनल बा। होश में अईला के बाद उनुका से पूछताछ कईल जाई।
