इंडियन रेलवे जल्दिये आपन नया IRCTC सुपर एप लॉन्च करे जा रहल बा। जइसन कि एकरा नामे से पता चलत बा, ई एप अपना संगे कइयन गो सानदार फीचर्स लेके आई। ई खाली ट्रेन टिकट बुकिंग तक सीमित ना रही, बलुक एमे यात्रा से जुड़ल कइयन गो आउर उपयोगी सेवा सामिल होई।
यात्रा के सब जरूरतन सुपर एप से हो जाई पूरा
ई एप रउआ सभे के यात्रा संबंधी कामन खातिर एगो “वन-स्टॉप शॉप” बने जा रहल बा। एमे रेलवे के अलग-अलग सेवा एकही डिजिटल प्लेटफॉर्म पs जाई। एह एप के विकास में सेंटर फॉर रेलवे इन्फॉर्मेशन सिस्टम्स (CRIS) आ IRCTC मिलके काम कइले बा। एकरा एकही महीना के अंत तक लॉन्च होखे के उम्मेद बा।
का-का होई IRCTC सुपर एप में?
- आरक्षित आ अनारक्षित टिकट बुकिंग: यात्री एकही एप पs दूनो ओर के टिकट बुक कs सकी।
- प्लेटफॉर्म पास किनी: अब प्लेटफॉर्म पास आसानी से ऑनलाइन किनल जा सकी।
- ट्रेन के रियल-टाइम ट्रैकिंग: आपन ट्रेन कहां पहुंचल बा, ई अब लाइव ट्रैकिंग के माध्यम से देखल जा सकी।
- भोजन आ पेय के ऑर्डर: यात्रा के दौरान सीधे अपना फोन से खाना आ पेय पदार्थ मंगावे के सुविधा।
- फीडबैक देवे के सुविधा: यात्री एप के माध्यम से आपन राय आ सुझाव दे सकत बा।
- B2B सेवा: लॉजिस्टिक्स कंपनियन खातिर माल ढुलाई बुकिंग के विकल्प।
