मशरक में मेघा तरंग स्पोर्ट्स प्रतियोगिता के तइयारी पूरी, नौ आ दस दिसंबर के होई प्रतियोगिता

Anurag Ranjan

मशरक (सारण)/धर्मेंद्र कुमार सिंह: मशरक में बिहार सरकार के आदेसानुसार तरंग मेघा स्पॉट्स उत्सव प्रतियोगिता के तइयारी जोर सोर से चल रहल बा। सब विद्यालयन में शिक्षक लोग आपन स्कूली छात्र/ छात्रा लोगन के अभ्यास करावत रहे लो। जवना के खातिर प्रखंड स्तर पर फिजिकल शिक्षकन सहित प्रतियोगिता करावे वाला सदस्यन के कमिटी द्वारा निर्णय लिहल गइल बा।

उच्च विद्यालय के छात्र/ छात्रा लोगन के नौ दिसंबर आ मध्य विद्यालय के छात्र /छात्रा लोगन के दस दिसंबर के अरना पंचायत के उत्क्रमित मध्य विद्यालय छपिया छाप खेल मैदान में फाइनल प्रतियोगिता करावे के निर्णय कमिटी द्वारा लिहल गइल बा।

ओहिजा खेल मैदान के निरीक्षण प्रखंड शिक्षा पदाधिकारी डॉक्टर वीणा कुमारी खेल मैदान के स्थल पर पहुंच गहनता से कइली। मवका पर रहमत अली, रामाशंकर सहनी, कौशलेंद्र कुमार सहित आउर शिक्षक मवजूद रहे लोग।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।