शहर के दु जगह पs प्रधानमंत्री नरेंद्र मोदी के संभावित कार्यक्रम के देखत पुलिस-प्रशासन तैयारी तेज क देले बा। दुनो कार्यक्रम में भाग लेवे खातीर आठ सौ लोग के सूची तैयार कईल गईल बा। हालांकि ई संख्या अबहियों बढ़ सकेला। सुरक्षा के बारे में मंगलवार के एसपी जीआरपी डॉ. अवधेश सिंह रेल परिसर के सुरक्षा के समीक्षा कईले।
दूसर ओर एसपीजी एसपी सिटी के संगे मंगलवार के एक बेर फेर गीता प्रेस अवुरी रेलवे स्टेशन के निरीक्षण कईले। लेकिन, प्रधानमंत्री के आधिकारिक मिनट से मिनट कार्यक्रम अबे ले नईखे आईल। बतावल जाता कि प्रधानमंत्री के सुरक्षा खाती 8 एसपी, 11 एएसपी, 22 सीओ के ड्यूटी तय क दिहल गईल बा। एकरा अलावे निरीक्षक, उपनिरीक्षक, सिपाही अवुरी महिला सिपाही भी ड्यूटी पs रहीहे।
प्रधानमंत्री के कार्यक्रम 7 जुलाई के गीता प्रेस आ रेलवे स्टेशन पs प्रस्तावित बा। बतावल जाता कि गीता प्रेस के कार्यक्रम में 400 लोग भाग लिहे अवुरी रेलवे स्टेशन पs आयोजित कार्यक्रम में ओतने संख्या में लोग भाग लीहे। पुलिस आ खुफिया विभाग एकरा संबंध में तइयारी करत बा। सोमवार के अधिकारी प्रधानमंत्री के आगमन के संबंध में गोरखपुर संभाग के अधिकारी लोग से भी बैठक कईले रहले। पुलिस अधिकारी सुरक्षा के लेके एगो खाका तैयार कईले बाड़े।
संभावित कार्यक्रम के देखत बल ताकत के तैयारी के संगे-संगे ड्यूटी चार्ट, पुलिसकर्मी के छुट्टी भी रद्द क दिहल गईल बा। एसएसपी डॉ. गौरव ग्रोवर के आदेश पs पुलिस रेलवे स्टेशन अवुरी बाकी स्टॉपओवर जगह समेत सभ महत्वपूर्ण होटल से संपर्क कईले बिया। खुफिया विभाग भी हर जगहा रहे वाला लोग के बारे में जानकारी एकट्ठा क रहल बा। सपा सिटी कृष्ण कुमार बिश्नोई बतवले कि प्रधानमंत्री के संभावित कार्यक्रम के ध्यान में राखत तैयारी कईल जाता। पुलिस आ खुफिया विभाग पूरा तरह से सतर्क बा।
