झारखंड में होखे वाला विधानसभा चुनाव के लेके राजनीतिक पार्टियन के व्यस्तता सातवां आसमान पs बा। एही सिलसिला में प्रधानमंत्री मोदी सोमार के झारखंड के चाईबासा आ गढ़वा जिला में भाजपा के चुनावी रैली के संबोधित करे वाला बाड़ें। भाजपा नेता बतवलें कि प्रधानमंत्री मोदी सबेरे करीब 11 बजे बिहार के गया हवाई अड्डा पs पहुंचिहें आ उहां से रैली के संबोधित करे खातिर हेलीकॉप्टर से गढ़वा जइहें।
बता दीं कि झारखंड में 81 विधानसभा सीटन पs दु चरण में मतदान होखे के बा। जवना के पहिला चरण 13 नवंबर तs ओहिजा दूसरका चरण 20 नवंबर के बा। एकरा संगही 23 नवंबर के मतगणना होखे के बा।
रांची से अइला के बाद जइहें चाईबासा
भाजपा नेता पीएम मोदी के झारखंड दौरा के लेके कहलें कि गढ़वा से रैली संबोधित कइला के बाद प्रधानमंत्री रांची खातिर रवाना होइहें आ फेर उहां से चाईबासा हें। ऊ बतवलें कि चाईबासा में दुपहरिया करीब 2.30 बजे ऊ एगो आउर रैली के संबोधित करिहें।
शिवराज सिंह चौहान के तइयारी
पीएम मोदी के झारखंड यात्रा के लेके पिछला हफ्ता केंद्रीय कृषि मंत्री आ झारखंड के चुनाव प्रभारी शिवराज सिंह चौहान कहले रहस कि प्रधानमंत्री के दौरा खातिर सब इंतजाम कs लिहल गइल बा। बता दीं कि केंद्रीय गृह मंत्री अमित शाह एट अतवार के इहां तीन गो राजनीतिक रैलियन के संबोधित करिहें आ भाजपा के चुनावी घोषणापत्र जारी करिहें।
