सरसैया घाट में गाय पर हमला करे वाले विदेशी नस्ल के खूंखार पिटबुल कुत्ता को नगर निगम कब्जा में ले लिहलें बा। फूलबाग स्थित कुत्ता के बांधे खातिर बनल अस्पताल में रखल गइल बा। सथही कुत्ता के मालिक पs पांच हजार रुपया के जुर्माना लगावल गइल बा।
सरसैया घाट के लग्गे रहे वाले सुमित मिश्रा के घर के पिटबुल नस्ल के कुत्ता बियफ़े के गाइ के जबड़ा पकड़ लिहले रहे। लोग डंडा अउरी सरिया से कुत्ता के पीटल लेकिन, उ गाय के नाइ छोड़लस। आखिरकार, गाय के नदी में पानी ओर ढ़केलल गइल, त कुत्ता से गाय के पीछा छूटल।
मामला के वीडियो प्रचलित भइल त पुलिस अउर नगर निगम के टीम मौका पs पहुंचल। कैटल कैचिंग दस्ता पिटबुल के पकड़ के हिरासत में ले लिहल बा। नगर निगम के मुख्य पशु चिकित्साधिकारी डा. आरके निरंजन बतवलें कि पिटबुल के मालिक सुमित मिश्रा पs पांच हजार रुपया के जुर्माना लगावल गइल बा।
कुत्ता के गतिविधियन पर नजर रखल जाई। कुत्ता तब्बे मालिक के दिहल जाई जब ओकर रजिस्ट्रेशन, लाइसेंस अउरी वैक्सीनेशन प्रक्रिया पूरा हो जाई। कुत्ते के रखले अउर टहलले के व्यवस्था के भी जांच कइल जाई।