बीआरडी मेडिकल कॉलेज में भर्ती मरीज के एचआईवी संक्रमण के चलते मौत हो गईल। ट्रेन दुर्घटना में गोड़ कटला के चलते मरीज के शरीर से बहुत खून निकलल रहे। एकरा प लागल मरीज ओ नेगेटिव ग्रुप के रहे। एचआईवी से संक्रमित होखला के चलते मरीज के प्रतिरक्षा तंत्र नगदे कम हो गईल रहे। इहे कारण रहे कि उनुका शरीर में तमाम तरह के संक्रमण हो गईल रहे।
बीआरडी मेडिकल कालेज के प्रधानाध्यापक डा. गणेश कुमार रविवार के बतवले कि मामला संबंधित विभाग के डॉक्टर से लिहल गईल, ओकरा बाद पता चलल कि मरीज के शरीर में बहुत कमजोरी बा। उ कहले कि ओ नेगेटिव ब्लड ग्रुप होखला के चलते उनुका कॉलेज के ब्लड बैंक से कई यूनिट ब्लड चढ़ावल गईल। एक्सपायर डेट के खून के बात गलत बा, जवना खून के चढ़ावल जात रहे। ई इलाज के पहिला दिन से चढ़ावल जात रहे।
आर्थोपेडिक विभाग के डॉक्टर मरीज के दु बेर ऑपरेशन क के गोड़ प लागल घाव के सुखा देहले। दूसरा ऑपरेशन के दौरान शरीर से बहुत खून निकलल रहे। एकरा प गुरुवार के उनका के खून दिहल गईल। जबकि, मौत शुक्रवार के रात भईल। एचआईवी से संक्रमित होखला के चलते उ बेमारी से लड़ ना पवले।
इह रहल मामला
सहजनवा के एगो निवासी पुलिस में शिकायत दर्ज करवले रहलें कि मेडिकल कालेज के डाक्टरन के लापरवाही से बियफे के दिने ओनके भाई के मौत हो गइल। आरोप रहल कि भाई के एक्सपायरी खून दिहल गईल रहे। विरोध कइला पs उनका के मारपीट कइल गइल।
