गैस सिलेंडर के दामन में बढन्ती कइल गइल बा। जानकारी के अनुसार, 19 किलो वाला कमर्शियल एलपीजी सिलेंडर के कीमतन में सात रुपिया के बढ़न्ती कइल गइल बा। एह बढ़न्ती के बाद दिल्ली में 19 किलो के कमर्शियल सिलेंडर के दाम 1,773 से बढ़के 1,780 रुपिया प्रति सिलेंडर हो गइल। हालांकि, घरेलू एलपीजी सिलेंडर के कीमतन में कउनो बदलाव नइखे कइल गइल।
पिछला कुछ महीनन में गैस सिलेंडर के दामन में काफी उतार-चढ़ाव देखे के मिलल बा। एह में सबसे जादे असर कमर्शियल गैस सिलेंडरन में देखे के मिलल। एह साल, मार्च में कमर्शियल एलपीजी सिलेंडरन के कीमतन में 350.50 रुपिया प्रति यूनिट बढन्ती कइल गइल। हालांकि, मई में एह कीमतन
में 171.50 रुपिया के कटौती कइल गइल बा।
