यूएस सेंटर फॉर डिजीज कंट्रोल एंड प्रिवेंशन (सीडीसी) के अनुसार, नोरोवायरस के प्रकोप के चलते एगो लग्जरी क्रूज जहाज पs सवार 200 से जादे यात्री अवुरी चालक दल के सदस्य बेमार हो गईल बाड़े। द न्यूयॉर्क टाइम्स के रिपोर्ट के मुताबिक, कनार्ड लाइन्स के क्वीन मैरी 2 क्रूज जहाज इंग्लैंड से पूर्वी कैरेबियन के ओर जात रहे। सीडीसी के मुताबिक 224 यात्री अवुरी 17 चालक दल के सदस्य कोरोना के प्रकोप से प्रभावित भईल बाड़े। जहाज पs 2,538 यात्री आ 1,232 चालक दल के सदस्य बाड़े। एह वायरस के प्रमुख लक्षण में दस्त आ उल्टी शामिल बा। क्रूज मैपर नाम के एगो ट्रैकिंग साइट के मुताबिक, 18 मार्च के वायरस के प्रकोप के सूचना मिलल रहे, जब न्यूयार्क में क्रूज बंद हो गईल रहे।
यात्रियन पs नजर राखल जा रहल बा मंगल के दिने जारी बयान में क्यूनार्ड कहले बाड़न कि जहाज के पूरा तरह से साफ कs दिहल गइल बा, आ यात्रियन पs बारीकी से नजर राखल जा रहल बा, द न्यूयॉर्क टाइम्स के खबर बा. क्यूनार्ड के बयान में कहल गईल कि, हमनी के चालक दल के जल्दी प्रतिक्रिया अवुरी कईल गईल अतिरिक्त उपाय के चलते हमनी के पहिलही से रिपोर्ट भईल मामला में कमी देखाई देता। सीडीसी के मुताबिक, क्रूज लाइनर में सफाई अवुरी कीटाणुशोधन प्रक्रिया में बढ़ोतरी भईल बा, बेमार यात्री अवुरी चालक दल के अलग-थलग कईल गईल बा अवुरी जांच खातीर नमूना एकट्ठा कईल गईल बा।
नोरोवायरस का होला?
नोरोवायरस गैस्ट्रोइंटेस्टाइनल संबंधी बेमारी हवे जवना से उल्टी आ दस्त होला आ तेजी से फइल जाला। एकरा के “पेट के फ्लू” भा “पेट के कीड़ा” भी कहल जाला, आ एकरा से तीव्र गैस्ट्रोएंटेराइटिस हो जाला । कवनो उमिर के लोग एह वायरस से संक्रमित हो सकेला. ई केहू के सीधा संपर्क, दूषित खाना भा पेय पदार्थ खइला भा पीये आ दूषित सतह के छूवे से फइल जाला। इलाज के बाद कोरोना से बेमार लोग के दु से तीन दिन में ठीक हो सकता।
